2015 jyldan beri uıymdastyrylyp kele jatqan jarystyń 42,2 shaqyrymdyq saıysynda osyǵan deıin tek Reseıdiń ókilderi ǵana top jaryp kelgen. Atap aıtsaq, Iýrıı Chechýn (2015, 2020 jyldary) men Stepan Kıselev (2019, 2021) eki márteden jeńimpaz atansa, Andreı Safronov (2016), Alekseı Troshkın (2017), Artem Alekseev (2018) jáne Raýl Shakrızıanov (2022) bir-bir retten dara shyqty. Al bıylǵy dodada qazaqtyń uly Danııar Ormanǵalıǵa teń keler eshkim tabylmady.
Marafonshylar básekesine 1 700 úmitker qatysty. Solardyń arasynan Danııar Ormanǵalı daralandy. Joǵaryda atalǵan qashyqtyqty ol 2 saǵat 25 mınýt 53 sekýndta júgirip ótti. Sóıtip, mártebesi joǵary jarystyń bas júldesi Jetisý oblysyndaǵy Sarqan aýdanynyń týmasyna buıyrdy. Ekinshi oryndy ıelegen ataqty sportshy Andreı Smırnov qandasymyzdan eki mınýttan asa ýaqyt qalyp qoıdy. Úshinshi satyǵa taban tiregen Ivan Matorınniń nátıjesi – 2 saǵat 30 mınýt 48 sekýnd.
23 jastaǵy jelmen jarysqan jelaıaq Danııar Ormanǵalıdiń sporttyń bul túrinde baǵyndyrǵan belesteri az emes. Ol – jeńil atletıkadan Qazaqstan ulttyq qurama komandasynyń múshesi, elimizdiń birneshe dúrkin chempıony, Eýrazııa oıyndary men Ortalyq Azııa birinshiliginiń jeńimpazy. Sonymen qatar qazaq marafonshysy birqatar halyqaralyq jarysta aldyna jan salǵan joq.
