Álıhan Smaıylov Qazaqstan Birikken Arab Ámirlikterimen ınvestısııalyq áriptestikti damytýǵa erekshe mán beretinin atap ótti. Máselen, ótken jyldyń qorytyndysy boıynsha BAÁ-den Qazaqstanǵa tartylǵan ınvestısııa kólemi 27%-ǵa ósip, shamamen $420 mln boldy. Osy rette bıylǵy qańtar aıynda Memleket basshysynyń resmı sapary aıasynda eki el úkimetteri Jańa strategııalyq ınvestısııalyq jobalardy iske asyrý týraly birlesken deklarasııaǵa qol qoıdy.
«Búginde taraptardyń joǵary deńgeıdegi ýaǵdalastyqtardy oryndaýǵa kiriskeni qýantady. Biz ózara is-qımyldy jandandyrýǵa, onyń ishinde Qazaqstan ekonomıkasyna tartylatyn BAÁ ınvestısııalarynyń kólemin arttyrýǵa múddelimiz», dedi Álıhan Smaıylov.
Sonymen qatar Úkimet basshysy saýda qatynastaryn damytý da basym mindet ekenin aıtty.
«Eki eldiń kóshbasshylary ózara taýar aınalymynyń kólemin $1 mlrd-qa deıin jetkizý mindetin qoıdy. Osyǵan baılanysty Qazaqstan aýyl sharýashylyǵy, mashına jasaý jáne jeńil ónerkásip salalary ónimderin BAÁ naryǵyna jetkizý kólemin ulǵaıtýǵa daıyn», dedi Premer-mınıstr.
О́z kezeginde Muhammed Saıd Muhammed ál-Arıkı ámirlikterdiń ózara tıimdi memleketaralyq yntymaqtastyqty, onyń ishinde QR Prezıdentiniń BAÁ-ge saparynyń qorytyndysy boıynsha qol jetkizilgen ýaǵdalastyqtardy júzege asyrý jónindegi birlesken is-qımyldy arttyrýǵa daıyn ekenin atap ótti.
