Bul bastama «Atameken» Ulttyq kásipkerler palatasy jáne «Azamattarǵa arnalǵan úkimet» memlekettik korporasııasy arasyndaǵy «Kásipkerlerge qyzmet kórsetetin kóp fýnksııaly ortalyq» jobasyn iske asyrý sheńberinde ózara yntymaqtastyq týraly birlesken memorandým arqyly qolǵa alyndy.
«Atameken» UKP Tóralqa tóraǵasy Raıymbek Batalovtyń aıtýynsha, ázirge bul ortalyq Astanada pılottyq rejımde ashyldy. Endi búkil respýblıka boıynsha osyndaı ortalyqtardy ashý josparlanyp otyr.
«Servıstik qyzmetterden bólek zańdy tulǵany tirkeý, jyljymaıtyn múlik qujattaryn zańdastyrý, qyzmetkerlerge ýaqytsha turýǵa lısenzııa alý, ruqsat qujattary jáne basqa da qyzmetter kórsetiledi. «Azamattarǵa arnalǵan úkimet» korporasııasymen tıisti ıntegrasııalyq jumystar aıaqtaldy. Bul shara endi qolǵa alynǵan bızneske tolyq keńes alýǵa jáne bıznesti ashý jáne ilgeriletý máselelerin bir ortalyqta sheshýge múmkindik beredi. Biz bul máseleni ótken jyldyń sońynda talqylap, qarqyndy jumys isteı bastadyq, mine nátıjesin kórip otyrmyz. Jaqyn arada pılottyq joba tarala bastaıdy dep úmittenemin», dedi Raıymbek Batalov.
Ulttyq palata basshysy Kásipkerlerge qyzmet kórsetetin kóp fýnksııaly ortalyqta bızneske paıdaly bolatyn basqa da qyzmetter iske qosylatynyn qosa aıtty.
Sonymen qatar, ortalyqtyń ashylý saltanatyna Sıfrlyq damý, ınnovasııalar jáne aeroǵarysh mınıstri Baǵdat Mýsın qatysty.
«О́zim kásipker bolǵanmyn, sondyqtan memlekettik mekemelerde anyqtama, qujat jınaýǵa qansha ýaqyt ketetinin jaqsy bilemin. Endi kásipkerler kóp sharýasyn bir ǵana mekemede sheshe alady», dedi Baǵdat Mýsın.
Aıta ketý kerek, barlyq qyzmetter memlekettik qyzmetter standarttaryna sáıkes merzimde usynylady. О́tinishterdi barynsha oń sheshý úshin Kóp fýnksııaly ortalyqta súıemeldeý kózdelgen.
Osylaısha, jańa ortalyqta «bir tereze» qaǵıdaty boıynsha 958 qyzmet kórsetiledi, onyń 860-y memlekettik qyzmet, al 98-i qarjy ınstıtýttarynyń servıstik qyzmeti.
Joba bıznes-ıdeıadan bastap jobany qarjylandyrý men iske asyrýǵa deıin bıznesti damytýdyń barlyq kezeńinde jumys istep turǵan bıznes pen kásipkerlik bastamasy bar turǵyndardy keshendi súıemeldeýge baǵyttalǵan.
Kásipkerlerge qyzmet kórsetetin kóp fýnksııaly ortalyq Astana qalasy B. Momyshýly k., 2/1 mekenjaıynda ornalasqan.
