Kıbersport evolıýsııasy
Kıbersport 1970 jyldardyń basynda Stenford ýnıversıtetinde beıne oıyndar jarysy ótken kezde paıda boldy. Alaıda, ol 1990-shy jyldary ǵana onlaın oıyndar paıda bolǵan ýaqytta qarqyn ala bastady. Quake, Counter-Strike jáne StarCraft sııaqty oıyndarǵa qyzyǵýshylyqtyń artýy kıbersporttyń damýyna yqpal etti. Internet baılanysy jaqsaryp, aǵyndy platformalar paıda bolǵan saıyn kıbersporttyń tanymaldyǵy da kúrt ósti, ári bul ony resmı sport túri retinde tanytty.
Kıbersport túrleri
ESports oıyndardyń keń spektrin qamtıdy, olardyń árqaısysynyń ózindik erekshe fanattar bazasy bar. Tanymal janrlarǵa FPS, MOBA, RTS jáne sporttyq sımýlıatorlar kiredi.
Faktiler men zertteýler
Newzoo zertteýine sáıkes, 2023 jyly álemdik kıbersport naryǵynyń kirisi 1,1 mıllıard dollarǵa jetedi. Sonymen qatar, kıbersporttyq is-sharalardyń kórermeni de artyp keledi. Máselen, 2022 jyly League Of Legends álem chempıonatynyń fınalyn 100 mıllıonnan astam kórermen tamashalaǵan. Iork ýnıversıtetiniń zertteýi strategııalyq kıbersport oıyndary synı turǵydan oılaý daǵdylaryn damytatynyn, qol-kózdi úılestirýdi jaqsartatynyn jáne bir ýaqytta birneshe fýnksııany oryndaý qabiletin arttyratynyn anyqtaǵan.
Qazirgi álemdegi kıbersport
Kıbersport tutas álemde resmı sport túri retinde tirkelgen. Qazirgi kıbersport ındýstrııasy iri brendtermen, tanymal adamdarmen jáne sporttyq uıymdarmen seriktestik ornatqan. Al oıyn týrnırleri ESPN, BBC jáne Twitch sııaqty platformalarda kórsetiledi, bul kıbersporttyń búkil álem boıynsha tańymaldylyǵyn dáleldeıdi.
Qazaqstandaǵy kıbersport
Qazaqstannyń tanymal kıbersport komandalaryna Astana Dragons (Counter-Strike: Global Offensive), Noobz (Dota 2) jáne AVANGAR (Counter-Strike: Global Offensive) kiredi. Bul komandalar oıynshylardyń sheberligin kórsete otyryp, elimizdi aıtarlyqtaı jetistikterge jeteledi.
Qazaqstannyń kásibı oıynshylary álemdik kıbersport arenasynda zor bedelge ıe ekeni de jasyryn emes. Belgili esimderdiń qatarynda Dáýren (Adren) Qystaýbaev (Counter-Strike: Global Offensive), Abaı (Hobbit) Hasenov (Counter-Strike: Global Offensive) bar.
Dıdar SERIKOV,
L.N. Gýmılev atyndaǵy EUÝ stýdenti
