Bazarda 5 myńnan astam saýda orny bar, oǵan kelýshiler sany kúnine shamamen 50 myń satyp alýshyǵa deıin jetedi. Bazar Almaty qalasy men Almaty oblysyndaǵy kókónis, et ónimderi men jemisterdiń kóterme saýdasynyń 40%-yn jáne bólshek saýdasynyń 70%-yna deıin qamtıdy. Oǵan taýarlardy otandyq óndirýshilermen qatar kórshiles elderdiń kompanııalary da jetkizip otyrady.
Sonymen qatar kúndelikti ónimniń úlken aǵynyn eskere otyryp, bazarda aımaqtyq aýqymda baqylanbaıtyn olıgopolııa qurylady. Bas prokýratýra jáne memlekettik organdarmen tekserý nátıjesinde sanıtarııalyq, veterınarııalyq, ekologııalyq, sý, eńbek, sáýlet-qurylys, órtke qarsy, salyqtyq baqylaý, sondaı-aq básekelestikti qorǵaý salasynda 300-den astam QR zańnamasy normalaryn buzýshylyqtar anyqtaldy.
Almaty oblysy ákimdiginiń derekteri boıynsha anyqtalǵan zań buzýshylyqtar ishinara joıyldy. Sonymen qatar kásipkerler tarapynan bıznes júrgizýge qolaısyz jaǵdaılar týraly shaǵymdar sany artqan, bul saıyp kelgende taýarlar baǵasynyń negizsiz ósýine alyp keledi.
Keńes qorytyndysy boıynsha Premer-mınıstr qoldanystaǵy zańnamaǵa sáıkes túbegeıli sharalar qabyldaý qajettigin atap ótti. Atap aıtqanda, «Altyn Orda» bazarynyń qyzmetin retke keltirý jáne baǵany qalyptastyrýda ashyqtyqty qamtamasyz etý maqsatynda qoǵamdyq baqylaýdy uıymdastyrý, sondaı-aq onyń aýmaǵynda barlyq zań buzýshylyqtar tolyǵymen joıylǵanǵa deıin prokýratýra, ishki ister organdary, BQDA, QMA jáne basqa da ýákiletti memlekettik organdar qyzmetkerlerinen quralǵan turaqty mobıldik top qurý tapsyryldy.
Sonymen qatar Almaty aglomerasııasynda saýda aǵyndaryn teńestiretin jáne «Altyn Orda» bazarynyń baǵa saıasatyna yqpalyn azaıtatyn balamaly kóterme-saýda ortalyqtaryn qurý boıynsha jumys jalǵasady.
