Kezdesý barysynda balalardyń densaýlyǵy men áleýmettik turǵyda qorǵalýyna, sondaı-aq balalarǵa jasalatyn zorlyq-zombylyqqa qarsy is-áreketke qatysty ózekti máseleler talqylandy.
Memleket basshysyna Bala quqyqtary jónindegi ýákildiń atqarǵan qyzmeti týraly esep berildi.
Prezıdent kámeletke tolmaǵan balalardyń qaýipsizdigin qamtamasyz etý jáne quqyq buzýshylyqtardyń aldyn alý úshin pármendi sharalar qabyldaý, sondaı-aq jetim balalardyń quqyqtaryn qorǵaýǵa berilgen kepildikti saqtaý, múmkindigi shekteýli balalardy qoldaý mańyzdy ekenine erekshe nazar aýdardy.
Qasym-Jomart Toqaev bala quqyǵyn qorǵaý jáne densaýlyǵyn saqtaý júıesin nyǵaıtý asa mańyzdy ekenin atap ótti. Sondyqtan balalardy qorǵaýǵa qatysty barlyq usynys pen bastamany júzege asyrmas buryn muqııat zertteý qajet.
Memleket basshysy týyndaǵan túıtkilderdi sheshýge tikeleı atsalysý úshin Bala quqyqtary jónindegi ýákildiń jergilikti jerdegi jumysyn jandandyrý qajet ekenine nazar aýdardy.
Prezıdent Bala quqyqtary jónindegi ýákilge birqatar mindet júktedi.
Atap aıtqanda, balalardyń qaýipsizdigin qamtamasyz etý jónindegi sharalardy kúsheıtý, balalarǵa qatygezdik jasaý faktilerine der kezinde mán berý, býllıngke qarsy kúresý, balalar men jasóspirimder arasyndaǵy sýısıdke ıtermeleıtin áreketterdiń aldyn alý, arnaıy bilim alýǵa muqtaj balalardy qoldaý, sondaı-aq jetim-balalar men ata-anasynyń qamqorlyǵynsyz qalǵan balalardy baspanamen qamtamasyz etý máselelerine basa nazar aýdarýdy tapsyrdy.
