Partııa músheleri syı-sııapattaryn alyp, Astanadaǵy «Jansaıa» ortalyǵynda ońaltýdan ótip jatqan erekshe qajettiligi bar balalardy quttyqtady.
Partııalyqtar ortalyqtyń jumysymen jáne medısınalyq-áleýmettik qyzmet kórsetý sapasymen tanysyp, balalarmen áńgimelesti.
«Erekshe qajettiligi bar balalardy qoldaý – partııanyń «Kedergisiz keleshek» jobasynda jáne «Halyqpen birge!» saılaýaldy baǵdarlamasynda qamtylǵan basym baǵyttardyń biri. Máselen, 2028 jylǵa deıin aýtızmge shaldyqqan balalarǵa arnalǵan ortalyqtardy, patologııany erterek anyqtaýǵa negizdelgen ortalyqtardy ashý mindeti qoıyldy. Orta mektepterde ınklıýzııa kabınetteri ashylady. Aldaǵy bes jylda árbir óńirdi balalar kútimine arnalǵan qymbat quraldarmen qamtamasyz etý úshin ońaltý tehnıkalyq quraldary parki qurylady. Bizdiń ortaq mindetimiz – ár kishkentaı otandasymyzdyń baqytty balalyq shaǵyn qamtamasyz etý», dep atap ótti partııanyń Atqarýshy hatshysy Elnur Beısenbaev.
Bul rette áleýmettik qyzmetter portalynyń jumysy arnaıy quraldardyń arzandyǵyna emes, birinshi kezekte sapasyna negizdeletinine kepildik beretinin aıta ketken oryndy. Sondaı-aq amanattyqtar az qamtylǵan otbasylardaǵy balalarǵa jeke járdemaqy taǵaıyndaýdy júzege asyrýǵa nıetti.
Aıta ketsek, «Jastar Rýhy» jastar qanatynyń músheleri balalarǵa arnap anımatorlardyń qatysýymen merekelik konsert uıymdastyrdy.
