QR Ádilet vıse-mınıstri Bekbolat Moldabekovtyń aıtýynsha, servıs bilikti zańgerlik kómekke muqtaj adamdar úshin tıimdi qural bolmaq.
«Onlaın-keńes berý arqyly azamattar úıden nemese keńseden shyqpaı-aq notarıattyq qyzmetke baılanysty quqyqtyq suraqtarǵa jaýap ala alady. Notarıýstar kez-kelgen suraqtarǵa jaýap beredi. Bul ýaqytty únemdeýge jáne ýaqtyly senimdi aqparat alýǵa múmkindik beredi», dep atap ótti vıse-mınıstr.
Jobanyń maqsaty - notarıattyq qyzmet kórsetýdiń yńǵaılylyǵyn, jedeldigi men tıimdiligin arttyrý.
Qyzmetti alý úshin:
1. «eGov Mobile» qosymshasyna kirý kerek;
2. E-notarıat bóliminde «Onlaın keńes alý» qyzmet túrin tańdap, ótinimdi toltyrýyńyz qajet;
3. Keńes alý úshin beıne qońyraý arqyly qajetti suraǵyńyzdy qoıasyz;
4. Bankterdiń mobıldi qosymshalary arqyly 1 AEK mólsherinde notarıýstyń qyzmetin tóleý kereksiz.
