– Balalar bos ýaqytyn mándi de, maǵynaly ótkizýge tıis dep oılaımyz. Qazirgi balaqaılar sheteldik mýltserıaldardyń keıipkerlerin jaqsy kóredi. Al ózimizdiń Aldar kóseni bilmeıdi. Sondyqtan balǵyndar arasynda halyq aýyz ádebıetindegi ertegilerdiń keıipkerlerin kóbirek nasıhattaǵymyz keledi. Mundaǵy maqsatymyz – keıingi jas býynnyń sanasyna ulttyq qundylyqtarymyzdy sińirý, – deıdi «Qoǵamdyq kelisim» memlekettik mekemesiniń basshysy Natalıa Ramazanova.
Jobanyń tusaýkeser is-sharasy qalanyń ortalyq alańynda, ashyq aspan astynda ótti. Oǵan etnomádenı birlestikke múshe balalar, bastaýysh synyp oqýshylary men balabaqsha jasyndaǵy balǵyndar qatysty. Merekelik is-shara barysynda bala-
lar arasynda túrli baıqaýlar men kóńildi jarystar uıymdastyrylyp, ónerpazdar án aıtyp, kúı tartty. Uıymdastyrýshylar kópshilik aldynda óner kórsetken talapty balalarǵa bir-bir syılyq ustatyp jatty. Al nemis etnomádenı birlestiginiń ókilderi is-sharanyń basyndaǵy balǵyndardyń bárine balmuzdaq úlestirdi.
Qostanaı
