Elimizdiń eń úzdik gımnasshysy Eljana Tánıeva saıystyń barlyq túri boıynsha júldeli oryndar ıelenip, kórermenderdiń qoshemetine bólendi. Ol «taspa» (30,80 upaı) men «qursaý» (32,50 upaı) jattyǵýlarynda kúmis medal enshilese, «urshyq» (31,90 upaı) pen «dopta» (32,70) qolaǵa qol sozdy. Sonyń aldynda ǵana Eljana jekelegen kópsaıysta kúmispen kúptelgen edi. Ol tek ózbekstandyq Tahmına Ikromovadan qalyp qoıdy. Osy jarystaǵy ózge burymdylarymyzdyń nátıjeleri mynadaı: Aıbota Ertaıqyzy («dop» – 4-oryn, «taspa» – 5-oryn) jáne Mılana Parfılova («urshyq» –5-oryn).
Sonymen qatar, Manılada jastar býyny ókilderi de saıysqa túsip jatyr. Bul básekelerde Aıym Meıirjanova bir ret altynnan («dop») alqa taǵyp, eki márte («taspa» men «urshyq») kúmis medal oljalady.
