Prezıdent Qasym-Jomart Toqaev 5 maýsym kúni elordada Memlekettik týdy kóterý rásimine qatysady.
Saltanatty rásim barysynda Memleket basshysy – Qazaqstan Qarýly Kúshteriniń Joǵarǵy Bas qolbasshysy joǵary áskerı oqý ornynyń úzdik túlekterine ofıserlik shen tapsyrady.
Sondaı-aq 8 maýsymda Memleket basshysy Astana halyqaralyq forýmynyń plenarlyq otyrysynda sóz sóıleıdi.
«Dıalog arqyly syn-qaterlerdi eńserý: yntymaqtastyq, órkendeý jáne progress jolynda» atty forýmǵa qatysýshylar klımattyń ózgerýi, azyq-túlik tapshylyǵy, energetıkalyq qaýipsizdik jáne basqa da máselelerdi talqylaıdy.
Mártebeli qonaqtardyń qatarynda Qatar Ámiri sheıh Támım ben Hamad ál Tánı, Qyrǵyzstan Prezıdenti Sadyr Japarov, Bosnııa jáne Gersegovına prezıdıýmynyń tóraǵasy Jelka Svııanovıch, Halyqaralyq valıýta qorynyń basqarýshy dırektory Krıstalına Georgıeva, IýNESKO bas dırektory Odre Azýle, BUU Bas hatshysynyń orynbasary, Azııa jáne Tynyq muhıtyna arnalǵan ekonomıkalyq jáne áleýmettik komıssııanyń (ESKATO) atqarýshy hatshysy Armıda Alısdjabana, О́zbekstan Premer-mınıstri Abdýlla Arıpov jáne taǵy basqalary bar.
Sonymen qatar Prezıdent Qasym-Jomart Toqaev forým aıasynda birqatar ekijaqty kezdesý ótkizedi.
