Biz úshin eń qýanyshty jaǵdaı, jeńis tuǵyryna kóterilgender qatarynda elimizdiń teńbil dop sheberleri bar. Máselen, Nuráli Álip «Zenıtpen» birge chempıondyq ataqqa qol jetkizdi. 23 jastaǵy qorǵaýshy óziniń sporttyq karerasyn Aqtaýdyń «Kaspıı» klýbynda bastady. Sodan keıin tórt jyl «Qaıratta» oınady. 2022 jyly ol Neva jaǵalaýynda jasaqtalǵan komandanyń jeıdesin kıdi. Sóıtip, Álip qatarynan eki jyl Reseı chempıony atanyp, Sýperkýbokti oljalady.
Sondaı-aq otandasymyz Baqtıer Zaınýtdınov SSKA sapynda kúmis júldeger atandy. Ol bıylǵy chempıonatta 21 ret alańǵa shyǵyp, 1 ret gol soqty.
