Mysaly, osy kúni qala ákimdigi bastap, Baıqońyr aýdany ákimi apparatynyń qyzmetkerleri men Qarýly Kúshterdiń Ulttyq áskerı-patrıottyq ortalyǵynyń jeke quramy birlesip, Memlekettik áskerı-tarıhı mýzeı aldynda Ánuran shyrqady. Eske salar bolsaq, bıyl Qorǵanys mınıstrliginiń nusqaýymen 3 mamyrda Astana qalasynda Qarýly Kúshterdiń tarıhynda alǵash ret shyǵarmashylyq jasaǵy qurylǵan-tyn. Bul quramǵa Astana jáne Almaty, Semeı qalalarynan sarbaz jınaqtalǵan. Oraıly sátte Qarýly Kúshterdiń Ulttyq áskerı-patrıottyq ortalyǵynyń basshysy Arman Ásenov Memlekettik rámizderdiń sarbazdardy jigerlendiretinin aıtty.
– Bizdiń tolqyn Memlekettik rámizderdiń qandaı qıyndyqtardan ótip qabyldanǵanyn biledi. Sondyqtan biz jas sarbazdar Memlekettik Tý, Eltańba, Ánuranǵa boı túzeýimiz kerek dep esepteımiz. Ulttyq áskerı-patrıottyq ortalyǵy jastardy otansúıgishtikke tárbıeleýdi maqsat tutqan. Memlekettik rámizder – eldigimizdiń, turaqtylyǵymyzdyń sımvoly. Biz osyny maqtan tutynýymyz kerek. Elimizdiń Memlekettik rámizderine nazar aýdarǵan kez kelgen adam bizdiń ózge memlekettermen yntymaqtastyqta erkin ómir súrip jatqanymyzdy biledi dep oılaımyn. Árıne, biz buǵan bek qýanyshtymyz, dedi A.Ásenov.
Kóp uzamaı kópshiliktiń aldyna Baıqońyr aýdanynyń ákimi Erlan Jaýlybaev shyǵyp, aýdan turǵyndaryn quttyqtady.
– Bizdiń Memlekettik rámizder halqymyzdyń tarıhy men taǵdyryn, uly maqsattarǵa umtylysyn tanytady. Táýelsizdik jyldaryndaǵy tól rámizderimiz dúnıege kelgen kún barshamyz umytpaıtyn sátke aınaldy. Memlekettik rámizderimiz – tek kórkem obraz ǵana emes, táýelsizdiktiń sımvoly. Qyran beınelengen kók týymyz, shańyraq shyraıly Eltańbamyz, Ánuranymyzdyń áserli áýeni men rýhty mátini búginde táýelsiz elimizdi álemge tanytqan ulttyq aıshyǵy
myzǵa aınaldy», dedi ol.
Rámizder kúninde turǵyndar elordadaǵy kóppáterli úılerdiń turǵyndary kelisip, balkon, terezege Memlekettik Tý ildi. Sonymen qatar mereke qarsańynda qaladaǵy Baıqońyr aýdanynda abattandyrylǵan 5 jańa aýla ashyldy. Atalǵan aýlalarda merekelik is-sharaǵa qatysqan turǵyndar jergilikti ákimdikke alǵys aıtyp, shat-shadyman bolysty.
