Bilikti dárigerler tájirıbesi

Qonaqtar birin­shi kúni endo­skopııadaǵy máse­leler týrasynda baıandady. Ekinshi kúni Ulttyq ǵylymı onko­logııa ortalyǵynyń sa­rap­­ta­malyq endoskopııa opera­sııa­lyq­ ortalyǵynda dárigerler tike­leı efırde endoskopııalyq opera­sııalardyń barysyn túsin­dir­di. Iаǵnı forýmǵa kelgen qa­ýym operasııa zalyndaǵy endos­ko­pııalyq operasııanyń barysyn­ ba­qylady. Ol qonaqtardyń ara­synda Qyrǵyzstan, О́zbek­stan, Ázerbaıjan, Tájikstan, Moń­ǵolııa, Ýkraına, Túrkııa, Re­seı, Ońtústik Koreıa jáne Ja­po­nııadan kelgen jáne tikeleı efır­de qosylǵan dárigerler bol­dy. Olar ishek qabynýynyń, as­qazan-ishek joldarynyń isikke de­ıingi jáne isikke deıingi pa­to­lo­gııa­synyń endo­sko­pııa­­lyq dıag­­nostıkasyn jáne gepa­tobılıarly aı­maq pato­logııa­syn emdeý ádis­teri, jedel endo­skopııa, ıntervensııalyq bronhologııa taqyrybyna kóbirek toqtaldy.

Densaýlyq saqtaý mınıs­tr­­liginiń qoldaýymen Ult­tyq­ ǵylymı onkologııa­ orta­lyǵy jáne «Qazaq endos­kopııalyq qoǵamy» birles­ti­gi uıym­das­tyrǵan forýmda­ medı­sı­na­lyq­ jabdyqtar shyǵaratyn óndirý­shiler ózderiniń sońǵy ázir­lemelerin kórmege ala kelip­ti. Ulttyq ǵylymı onko­lo­gııa­ ortalyǵy bas­qar­­ma tóraǵa­sy­nyń medı­sı­­nalyq qyzmet jó­nin­degi oryn­basary Ádilbek Mu­qa­janov forýmnyń maqsat-min­deti týra­ly aıtyp bergen edi.

– Forýmǵa bas-aıaǵy 500-den­­­ asa tájirıbeli dáriger jıyl­dy. Olar­ saladaǵy jetistikterdi qam­typ, tá­jirıbe almasady. Ma­man­dar endoskopııa bo­ıyn­sha baıan­dama jasaýmen shek­tel­meıdi. Onkologııa ulttyq ǵy­lymı ortalyǵynda bizdiń dári­ger­ler sheteldik mamandarmen bir­lesip operasııalar jasaıdy. Sony forýmǵa kelgen basqa da árip­tester onlaın tamashalap, tájirı­besin tolyqtyrdy. Bizde qazir endoskopııalyq onkologııa, endoskopııalyq hırýrgııa qar­qyndy damyp keledi. Shama­men­ on jyl buryn endoskopııa tek­ dıagnostıkalyq ádis sanalsa,­ qa­zir emdeýge, hırýrgııalyq operasııa ja­saýǵa da múmkindik be­redi. Elde endoskopııalyq, dıag­nostıkalyq emdeý tásilderi qol­jetimdi.

Dárigerlerdiń aıtýynsha, en­dos­kopııa qaterli isiktiń al­dyn alýǵa septesedi eken. О́ıt­­ke­ni asqazan, ishek aýrý­lary as­qynyp, qaterli isikke aparýy­ múmkin ǵoı. Mundaıda naý­qas­ endoskopııalyq dıag­nos­tı­ka­dan ótip, qatersiz isikti aldyratyn bolsa, saýy­ǵyp ketedi. Son­dyqtan aýrý­dyń bel­gi­si­ baıqalsa, endoskopııa­dan­ qa­shý­dyń­ qajeti joq. Dári­ger­ler­diń ózi­ elýden asqan ere­sek­ter­­ge jy­­lyna nemese eki jylda bi­r már­te endoskopııalyq tekserýden ótý­di usynady.

– Endoskopııada jetis­tik­ter kóp dedik. Kemshi­lik­ter­ de joq emes. Mysaly, ma­­man­­­dardyń tapshylyǵy, oqy­tý tásiliniń azdyǵy, sertı­fı­kat beretin kýrstardyń bolmaýy, tarıftiń tómendigi alańdatady. Onyń barlyǵy sheshimi bar másele desek bolady. Forýmnyń taǵy bir maqsaty saladaǵy kem­shilikterdi ortaǵa salý, tá­ji­rı­be almasyp, damý joldaryn qarastyrý boldy. Sátin salsa, jyldyń ekinshi jartysynda onkologııa orta­ly­­ǵynyń jańa ǵımaraty ashy­lady. Dıagnostıkada qol­da­na­tyn, onkologııalyq aýrýlardy em­deıtin qural-jabdyqtarmen qam­tylady. Endoskopııaǵa da solaı sońǵy úlgidegi qurylǵylardy alamyz. Osylaısha, jumysty birshama shıratý josparda bar, – deıdi Á.Muqajanov.