Saılaý kúni Ortsaılaýkomnyń ınternet-resýrsy arqyly tańdaýshylardy tirkeýdi jáne daýys berýdiń aldyn ala qorytyndylaryn shyǵarýdy onlaın baıqaý servısteri jumys istedi. Osylaısha, saılaý úderisiniń ashyqtyǵy men jarııalylyǵy qamtamasyz etildi. Bul úderis OSK aqparattyq arnalary arqyly jedel jarııalandy.
Daýys berýge Soltústik Qazaqstan oblysy máslıhattarynyń 193 depýtatynan 180 depýtat (93,26 paıyz) qatysty. Saılaý bıýlletenine Senat depýtattyǵyna 2 kandıdat engizildi.
6 maýsymda ótken Ortsaılaýkomnyń otyrysynda «Soltústik Qazaqstan oblysynan Qazaqstan Respýblıkasy Parlamenti Senatynyń shyǵyp qalǵan depýtatynyń ornyna 2023 jylǵy 2 maýsymda bolǵan saılaýdyń qorytyndylaryn anyqtaý jáne jarııalaý týraly» qaýly qabyldandy.
«Qazaqstan Respýblıkasyndaǵy saılaý týraly» Konstıtýsııalyq zańynyń 9, 12, 44 jáne 81-baptaryna sáıkes Soltústik Qazaqstan oblysynan Qazaqstan Respýblıkasy Parlamenti Senatynyń shyǵyp qalǵan depýtatynyń ornyna saılaý jónindegi daýystardy sanaý nátıjeleri týraly Soltústik Qazaqstan oblystyq saılaý komıssııasy hattamasynyń negizinde saılaýdyń mynadaı qorytyndylary belgilendi.
Raýza Ivanovna Qasenovaǵa daýys berýge qatysqan tańdaýshylardyń 39 daýysy berildi. Ásem Qalashbaıqyzy Rahmetovaǵa daýys berýge qatysqan tańdaýshylardyń 134 daýysy berildi. «Bárine qarsymyn» belgisi bar bıýlletenderdiń sany – 6.
Osylaısha, Soltústik Qazaqstan oblysynan Qazaqstan Respýblıkasy Parlamenti Senatynyń depýtaty bolyp Ásem Qalashbaıqyzy Rahmetova 2023 jyly 14 qańtarda saılanǵan Parlament Senaty depýtattarynyń ókilettik merzimine saılandy.
«Qazaqstan Respýblıkasyndaǵy saılaý týraly» Konstıtýsııalyq zańnyń 44-babyna sáıkes Soltústik Qazaqstan oblysynan Qazaqstan Respýblıkasy Parlamenti Senatynyń shyǵyp qalǵan depýtatynyń ornyna 2023 jylǵy 2 maýsymda bolǵan saılaýdyń qorytyndylary týraly OSK-nyń resmı habary buqaralyq aqparat quraldarynda jarııalanady.
