Bosqyndar nópiri kóbeıgen

Is-shara «Maqsut Narikbaev Uni­ver­sity»de BUU BJQB ókilderimen bir­­lesip uıymdastyryldy. Ádebıet bu­ry­shynda qazirgi jahandyq jaǵ­daı­­daǵy qaqtyǵystar, adam quqyq­tary­nyń buzylýy jáne tabıǵı apat sal­darynan mıllıondaǵan adam týǵan jer­lerin tastap ketýge májbúr bolyp jat­qanda, qoǵamnyń mundaı kúrdeli máselelerden habardar bolýyna basymdyq berilgen.

BUU BJQB Azııa jáne Tynyq muhıty boıynsha aımaqtyq keń­se­­siniń dırektory Indrıka Rat­vat­te Qazaqstan Úkimeti men Bos­qyn­­­dar isi jónindegi Joǵarǵy komıs­sar basqarmasy arasyndaǵy ynty­maqtastyq senimdi ári berik ekenin aıtty. Sondaı-aq bul ynty­maq­tastyq jyldan-jylǵa nyǵaıyp, bos­qyndar men azamattyǵy joq adam­dardy jan-jaqty qorǵaý men qol­daýda sheshýshi ról atqaratynyn atap ótti.

– Meniń osy is-sharada bolýy­ma birneshe mańyzdy sebep­ter áser etti. Birinshiden, biz Qazaq­stan Úkimeti men Bosqyndar isi jónin­degi Joǵarǵy komıssar basqar­masy arasyndaǵy senimdi jáne berik yntymaqtastyqtyń kýási bolyp otyrmyz. Ekinshiden, BUU BJQB jumysy gýmanıtarlyq máselelerdi sheshýden bosqyndarǵa kómek kórsetip, jahandyq deńgeıde azamattyq almaý máselesin sheshýge aýysýda. Osy turǵyda men Qazaq­stan Úkimetiniń bosqyndarǵa kómek kórsetý jáne aımaqtyq deńgeıde azamattyǵy joqtyq máselelerin sheshý máselelerine erekshe nazar aýdaratyn progressıvti kózqarasyn erekshe baǵalaımyn. Úshinshi sebep – aza­mattyq qoǵammen, ǵylymı jáne aka­demııalyq ortamen seriktes­tik. Biz munda Qazaqstannyń jáne odan tysqary elderdiń ǵylymı qaýymdastyǵymen nyǵaıyp kele jat­qan baılanysty kórip otyrmyz. Bul seriktestik azamattyǵy joqtyq máselesine kómektesý men sheshýde, sondaı-aq bosqyndardy qoldaýda jáne adam quqyqtaryn qorǵaýda joǵary ról atqarady, – dedi Indrıka Ratvatte.

Buǵan qosa ol BUU BJQB-nyń Qazaqstandaǵy ókili qyzmetin atqa­ratyn Hans Shodder myrzaǵa, son­daı-aq BUU BJQB bastamasyn qol­daǵany úshin ýnıversıtet ujymyna alǵysyn bildirdi.