Maral ıshannyń qylyshy

Qylyshty kezinde Maral baba­nyń Tosynǵa uzatylǵan qyzy Aıkúmis óziniń jasaý-otaýymen birge ala ketken kó­rine­di. Alasapyran bir zamandarda Aıkúmis anamyz, kıeli qylysh jat qolynda ket­pesin dese kerek, ákesinen qalǵan qarýdy shomnyń arasyna jasyrǵan. Ony keıin mal­shynyń áıeli taýyp alyp, qı ýatqan. Sol áıel eki-aq kún aýy­ryp, qaıtys bolǵan dese­di. Keıin ony Aıkúmistiń ne­me­resi Smaǵambetten el ishinde «Hal­­­fe kempir» atanyp ketken Ken­jebıke emshi su­rap ala­dy. Qundy jádiger kúni bú­gin­­ge deıin Kenjebıke ke­lini Ráı­­keniń qo­lynda saq­talyp kel­gen.

Taıaýda ǵana kóne qylysh pen Ma­ral baba­nyń nemeresi Ún­demes ıshannyń shapanyn Aq­meshitke tapsyrǵan seksen bes jastaǵy Ráıke ájeı: «Alla­nyń ama­natyn tapsy­ratyn ýaqyt ja­qyndap keledi. Kezinde sonaý Qyzyl­ordadan surap kelgen Maral baba ur­paqtaryna da, sol kezdegi ob­lys ımamy Er­­taı qajyǵa da bermeı kelip edim. Endi kó­zimniń tirisinde osy kıe­li jádigerdi baba me­shitine, Bektursyn balama tabys­taǵaly otyrmyn», deıdi.

HIH ǵasyrda salynǵan Ma­ral ıshan meshiti ótken jyl­­dyń aıaǵynda kúrdeli jón­deýden ótip, qaıtadan el ıgi­ligine beril­gen. Onynshy maýsymǵa jos­par­lan­ǵan me­shit­tiń 130 jyldyǵyna arnal­­ǵan is-sharalar aıasynda Qu­ran ja­rysy, aqyndar músháı­rasy, velo­marafon uıym­das­­tyry­lyp, respýblıkalyq kon­ferensııa ótedi.

QOSTANAI