Qasym-Jomart Toqaev Jelka Svııanovıchke iltıpat bildire otyryp, Astana halyqaralyq forýmynyń jumysyna belsendi qatysqany úshin alǵys aıtty.
Prezıdent bul sapar ekijaqty qarym-qatynastardy damytýǵa jáne aýqymdy máseleler boıynsha ózara tıimdi yntymaqtastyqty iske asyrý úshin jaqsy múmkindikterge jol ashatynyn atap ótti.
Memleket basshysy Bosnııa jáne Gersegovınany Ońtústik-Shyǵys Eýropa men Balqan aımaǵyndaǵy perspektıvti saýda-ekonomıkalyq seriktes retinde qarastyratynyn aıtty.
Jelka Svııanovıch qonaqjaılyq kórsetip, jyly qabyldaǵany, sondaı-aq Astana halyqaralyq forýmyna shaqyrǵany úshin alǵys aıtty.
Budan bólek, ol atalǵan forýmdy ótkizýdiń mańyzdylyǵyn atap ótip, onyń aıasynda halyqaralyq yntymaqtastyq pen jahandyq ekonomıkanyń qazirgi jaǵdaıyna qatysty jańa bastamalar aıtylǵanyn jetkizdi.
Taraptar sondaı-aq halyqaralyq jáne óńirlik kún tártibindegi ózekti máseleler jóninde pikir almasty.
О́zara senimge negizdelgen kelissózder syndarly jáne mazmundy sıpatta ótti. Kelissózder nátıjesinde ekijaqty yntymaqtastyqty jandandyrý boıynsha ýaǵdalastyqqa qol jetkizildi.
