«Birinshiden, barlyq qajetti tapsyrma berilse de, byltyrǵy alapat órtten tıisti qorytyndy shyǵarylmady. Qaýip-qaterdiń baǵalanbaǵany qazirdiń ózinde túsinikti bolyp otyr. Boljam durys jasalmady.
Nátıjesinde tabıǵat apaty tıisti dárejede ári der kezinde aýyzdyqtalmady. Demek, tıisti algorıtmder jumys istemeıdi. Bul, eń aldymen, TJM-niń kemshiligi», dedi Prezıdent shuǵyl jıyn barysynda.
Memleket basshysynyń aıtýynsha, tehnıkasy, qural-jabdyǵy joq ormanshylardy qaýipti jaǵdaıda qaldyrýǵa bolmaıdy.
«Jalpy, Qaýipsizdik keńesi bekitken is-áreket algorıtmi bolýy kerek. Orman órtendi me, demek ony dereý sóndirýge kirisý kerek. Biraq tehnıkasy, qural-jabdyǵy joq ormanshylardy qaýipti jaǵdaıda qaldyrýǵa bolmaıdy. Kem degende, órtti oqshaýlaý mindeti qoıylýy kerek. Birge jumys isteý qajet. Bul – búkilhalyqtyq apat. Roman Vasılevıch Sklıar, aınalysyńyz, osy máselelerdi baqylaýǵa alyńyz», dep qosty Qasym-Jomart Kemeluly.
Osy tusta el Prezıdenti Bas prokýratýraǵa qozǵalǵan qylmystyq is aıasynda ýákiletti organdar men laýazymdy adamdardyń is-áreketine naqty baǵa berýdi tapsyrdy.
«Biz jaqynda ǵana Qostanaıdaǵy jaǵdaıdy bastan ótkerdik, nege sabaq almadyq? О́rt – jıi bolatyn qubylys. Búkil álemde órt bolyp jatyr. Onymen kúrese bilý kerek. Ásirese, biz ormandar týraly aıtyp otyrmyz. Jalpy, biz ormandarymyzǵa durys qaramaımyz. Bizde olardyń kólemi az. 4 paıyzǵa jetpeıtin orman alqaby bar. Bas prokýratýraǵa qozǵalǵan qylmystyq is aıasynda ýákiletti organdar men laýazymdy adamdardyń is-áreketine naqty baǵa berýdi tapsyramyn», dep túıindedi Memleket basshysy.
