Qoǵam • 11 Maýsym, 2023

6 jasar balany qutqaryp qaldy

370 ret

kórsetildi

1 mın

oqý úshin

Shymkenttik oqýshylar – Erdáýlet pen Ramazan bir top dostarymen birge Badam ózenine shomylýǵa kele jatyp, kishkentaı balanyń ózenge batyp bara jatqanyn baıqap qalady. Olar balany qutqarý úshin jalma-jan ózenge qaraı umtylyp, ony jaǵaǵa alyp shyǵady. Sý jutqan balada es joq. Kóp sý jutyp qoıǵan onyń ishi isip, bet-júzi kógere bastapty. Balalardyń ishindegi eresegi, 9-synypta oqıtyn Ramazan tez arada alǵashqy medısınalyq kómek kórsetedi. Bir synyp tómen oqıtyn dosy Erdáýlet te járdem beredi. Jyldam árekettiń nátıjesinde alty jasar bala esin jıyp, dem ala bastaıdy.

Ánýar JUMAShBAEV

Osylaısha, ýaqytynda kórsetilgen medısınalyq kómektiń arqasynda kishkentaı bala aman qaldy. Al beıbit kúnniń batyrlary Ramazan Amangeldıev pen Erdáýlet Shyńǵyshan Tótenshe jaǵdaılar mınıstriniń buıryǵymen batyldyǵy men erjúrektigi úshin «Sýǵa batqandardy qutqarǵany úshin» medalimen marapattaldy. Sondaı-aq olarǵa qalalyq tótenshe jaǵdaılar departamenti basshylyǵynyń atynan da estelik syılyq tabystaldy. Dál sol kúni Ramazan memlekettik emtıhan tapsyratyn bolǵandyqtan, onyń syılyǵy anasynyń qolyna berildi. Qos batyr Shymkent qalasyndaǵy №128 jalpy orta mektepte oqıdy.

Tótenshe jaǵdaılar departamentiniń habarlaýynsha, Badam ózeni júzýge tyıym salynǵan aımaq bolyp sanalady. Negizinde megapolıste shomylýǵa arnalǵan 13 oryn bar.

ShYMKENT