Maqala avtory «Sholpan-Ata» jıyny jaıly sóz qozǵap, «Ortalyq Azııa - Eýropalyq odaq» formatynda ótken kezdesý aıryqsha mánge ıe ekenin tilge tıek etti.
Jıyn barysynda Memleket basshysy Qasym-Jomart Toqaev júk tasymaly baǵyttaryna keńinen toqtalyp, bul máselede EO qoldaýy asa mańyzdy ekenin atap ótti.
«Jýyrda Qytaıǵa jasaǵan memlekettik saparymnyń aıasynda qytaılyq seriktesterimizben birge Sıan qalasynda logıstıkalyq termınaldyń irgetasyn qaladyq. Bul port Ortalyq Azııa terrıtorııasy arqyly Eýropaǵa tikeleı konteınerlik poıyzdardy jiberý úshin mańyzdy hab bolmaq. Sondaı-aq biz Transkaspıı baǵytyn Qytaıdyń «Bir beldeý, bir jol» bastamasymen ushtastyrýǵa ýaǵdalastyq. Qazirgi ýaqytta Eýropaǵa eksporttalatyn Qazaqstan munaıynyń 80 paıyzy Kaspıı qubyr konsorsıýmy arqyly júzege asyrylady. Ortaq múddeni eskere otyryp, osy qubyr arqyly munaıdyń uzaq merzimdi jəne turaqty jetkizilýin qamtamasyz etý aıasynda Eýroodaq qoldaý kórsetedi dep senemiz», dedi Prezıdent.
Sonymen qatar jıyn barysynda Halyqaralyq salyq jəne ınvestısııalyq ortalyq sarapshysy Ýeslı Hıll sóz sóıledi. Onyń aıtýynsha, álem elderi Ortalyq Azııanyń energetıkalyq resýrsyna qyzyǵýshylyq tanytyp otyr.
Maqalanyń tolyq nusqasyn «Egemen Qazaqstan» gazetiniń №109 (30588) sanynda oqýǵa bolady.
