TOǴYZ JOLDYŃ TORABYNDAǴY ASTANA

ÁÝEJAI – ELORDA AINASY Nursultan NAZARBAEV: Esil jaǵalaýyndaǵy as­ta­nalyq áýejaı sapa men qyzmet kórsetýdiń álemdik standart­ta­ry­na sáıkes salynǵan eli­miz­diń alǵashqy áýe qaq­­pasy bolyp taby­la­dy. Bárimizge belgili, ǵasyrlar toǵysynda zamana refor­matory, elimizdińTuńǵysh Pre­zıdenti Nursultan Nazar­baevtyń eren erik-jigerimen elimizdiń elordasy – Astana qalasynyń ómirge kelýi ǵasyr ǵa­jaıyptarynyń birinen sa­nalady. Búginde búkil álemdi tań­dandyrǵan órkenıetti shahar – Astanany tórtkúl dúnıeniń tórt buryshynan kelgen qonaq­tarǵa alǵash ta­nystyratyn “Astana halyq­ara­lyq áýejaıy” AQ ekendigi talas týdyrmaıtyn aqıqat. Qaı eldiń, qaı qalanyń bolmasyn bolmysyn kórse­tetin alǵashqy qaqpa áýejaı bolyp tabylady. Ár áýe­jaıdyń ózine ǵana tán tarıhy bar. Astana áýejaıy­nyń ta­rıhy sonaý 1931 jyldan bastaý alady. Solaı bola tursa da, Astana áýeja­ıynyń naǵyz gúldený dáýiri elordanyń Aqmolaǵa kóshirilýi kezeńimen qabattasa óriledi. Búginde Astana áýejaıy “halyqaralyq” degen atyna saı, ınfraqurylymy damyǵan, álemdik standarttarǵa tolyq jaýap beretin áýejaılardyń birinen sanalady. Qazir Astana halyqaralyq áýejaıy dúnıe­júzilik qoldanystaǵy barlyq kólemdegi jáne salmaqtaǵy áýe kemelerin qabyldaı alady. IKAO III dárejeli sertıfı­ka­tyna sáıkes keletin aımaqtaǵy eń ozyq ushý alańy, TMD mem­le­ketterinde sırek kezdesetin janar-jaǵarmaı quıý gı­drant­ty júıesi bar bizdiń áýe­jaıymyz búginde álemdegi eń ozyq basqa da tehnıkalyq qural­darmen jaraq­tandy­rylǵan. Jola­ý­shy­larǵa jáne áýe kemelerine tehnıkalyq qyzmet kórsetý salalary boıynsha ISO 9000-2001 sertı­fıkatyn ıelengen Astana áýejaıy aldyńǵy q­a­tar­ly jalpy eýropalyq stan­darttarǵa saı qyzmet etedi. Sonymen qatar Astana áýejaıy Ground Handling Council IATA halyqaralyq uıymnyń qura­my­na kiredi. Iаǵnı, búgingi kúni Astana áýejaıy áýe keme­le­riniń barlyq túrlerine shek­teý­siz ári sapaly qyzmet kór­se­tetin ortalyq bolyp tabylady. О́tken jyly biz Astana áýe­jaıynyń ınfraqurylymyn odan ári jetildirý maqsatynda birqatar nysandardy iske qostyq. Atap aıt­qanda, jabyq avtoparkıng sa­lynyp, buryn jumys istep turǵan garaj qaıta jańartýdan ótkizildi. Sonymen birge búgingi zamannyń talap­taryna saı qyzmet kórsetetin jańa tehnıkalar alyndy. “Astana halyqaralyq áýe­jaıy” AQ 2009 jyly 12 036 baǵyttaǵy ushaqtarǵa, sol sııaqty osy merzimde 1 309,652 myń jolaýshyǵa qyzmet kórsetti. Osy merzimde júk aınalymy 5 011 tonnany qurady. Bolashaqtaǵy mejemiz budan artyq bolady dep kútilýde. О́ıtkeni, elordamyzda ótki­zilgeli otyrǵan EQYU-ǵa múshe elderdiń sammıti men 2011 jyly Qazaq­stan­da ótetin Qysqy Azııa oıyndaryna keletin qonaqtarǵa qyzmet kórsetemiz. Bul elimiz úshin asa mańyzdy halyqaralyq eki oqıǵa kezinde elimizge keletin jolaý­shy­lardyń sany eselenetini haq. EQYU-ǵa múshe elder basshy­la­rynyń sammıti kúnde ótetin qatardaǵy jıyndardyń biri emes, oǵan onyń sońǵy on jylda alǵash ótkizileıin dep otyr­ǵandyǵyn aıtsaq ta jetkilikti. Sol úshin bul sharaǵa áýejaıdyń joǵary deńgeı­degi daıyndyǵy qajet. Mundaı mańyzdy shara kezinde áýe kemelerine qyzmet kórsetetin tehnıkalyq quryl­ǵylar da, qonaqtardy qabyl­daıtyn qyzmet túrleri de joǵary talaptarǵa saı bolýy kerek dep oılaımyn. Osyǵan baılanysty Astananyń halyq­aralyq áýejaıynyń ınfra­qury­ly­myn odan ári jetildirý, áýejaı kesheniniń barlyq kásip­oryn­darynyń óndiristik qýatyn art­tyrýdy kózdep otyrmyz. Naq­tylaı aıtsaq, 2000 sharshy metr aýmaǵy bar júk qabyl­daýdyń qu­ramaly modeli qurylysyn salý­dy, áýe kemeleri turatyn perron alańyn odan ári keńeıtý, bortqa qyzmet kór­setetin seh ǵımaratyn qaıta qurý jumystaryn qolǵa alǵaly otyrmyz. Sonymen birge jolaý­shylar tasqyny artýyna baıla­nysty áýejaı vokzalynyń kólemi de ulǵaıtylatyn bolady. Qysqasha aıtqanda, osyndaı keshendi sharalardy júzege asyrý arqyly Astana halyq-aralyq áýejaıyn Eýropa men Azııany jalǵastyratyn áýe trassasyndaǵy barlyq ushaq­tarǵa sapaly qyzmet kórsetetin Or­talyq Azııadaǵy eń iri áýe kó­ligi ortalyǵyna aınal­dyramyz. Búgingi tańda astanalyq áýejaı 9-dan asa ishki jáne halyqaralyq jolaýshylar tasymalymen aınaly­satyn áýe kompanııalaryna qyzmet kór­se­tedi. Qazir biz bas qalamyzǵa Eýropa men Azııanyń iri avıakom­panııalaryn serik­testikke tartý jumystaryn júrgizip jatyrmyz. Osy oraıda ótken jyly áýejaı­daǵy sapar kestelerinde taǵy da eki áýe kom­pa­nııasy ushaqta­rynyń turaqty baǵyt­tarynyń tizimi berildi. “Etıhad Eırýeıs” áýe kompanııasy Abý-Dabı qala­syna, “Aerosvıt” kompanııasy Kıev qalasyna turaqty túrde ushaq­taryn ushyra bastady. Áýeja­ıy­myzdyń básekege qabilet­ti­ligin arttyra otyryp, aldaǵy ýaqytta biz áýe mar­shrýttary baǵytyn da arttyra bermekpiz. Bul rette jolaý­shylar tasymalyn keńeıtý maqsatynda “CSA Czech Airlines” atty cheh áýe ba­ǵytymen, “LOT Polish Airlines” polıak áýeba­ǵy­tymen, “Egypt Air” Egıpet áýe ba­ǵytymen jáne “Air China” Qytaı áýe baǵytymen jolaýshylar tasy­mal­­daıtyn áýe kom­panııa­larymen kelissózder júrgizilip jatyr. Atalmysh jumys jos­parynyń aıasynda Astana áýejaıy halyq­ara­lyq baǵyttardy damytý fo­rýmdaryna da belsene aralasady. Astana áýejaıy jaǵrafııalyq jaǵynan Eýrazııanyń dál jú­reginde ornalasqan. Iаǵnı, bul Eýropadan Azııaǵa ushatyn ushaqtardyń eń qolaıly qoný beketteriniń birinen sanalady. Osy múmkindikterdiń arqasynda Astana áýejaıy álemniń júk tasymalymen aınalysatyn birneshe iri kompanııalaryna turaqty qyzmet kórsetedi. Júk ta­sy­malymen aınalysatyn bul kompa­nııalarǵa kórsetilgen qyz­metten túsken qarjy áýejaı­dyń múmkindigin arttyrýǵa barynsha jaǵdaı jasap otyr. Astanalyq áýejaıdyń qysqa merzimde halyqaralyq barlyq talaptarǵa saı iri kólik orta­lyǵyna aınalýyna bizdiń kadrlardyń qosyp otyrǵan úlesi ólsheýsiz. Shynynda da, bizdiń avıakásip­orynnyń negizgi qun­dylyǵy – onyń kadrlary. Biz qol­dan kelgenshe ujymymyzdyń sapasy men quramyn saqtap qalýǵa tyrysyp kelemiz. Qarjy daǵda­rysynan týyndaǵan qıyn­dyqtarǵa qaramastan, ótken jyly óz qyz­metkerlerimizge azamattyq avıa­sııada qyzmet istegen jyldary úshin ótemaqy tóleýdi júzege asyrdyq. Máselen, avıa­kásip­orynynda 5 jyl jumys istegen­derge 10 paıyz, 10 jyl eńbek óti­li barlarǵa 20 paıyz, 20 jyldan artyq eńbek ótili barlarǵa 30 paıyz qosymsha jalaqy tólendi. Jolaýshylarǵa keletin bolsaq, olarǵa sapaly qyzmet kórsetý jáne barlyq qolaıly jaǵdaılar týǵyzý – áýejaı ákimshiliginiń nazaryndaǵy basty mindet. Osy maqsatta qujattyq, kedendik, sanıtarlyq-epıdem­ıo­logııalyq baqylaý, sonymen birge Syrtqy ister mınıstrliginiń elshilik qyzmeti úshin arnaıy jumys oryndary ashyldy. Jolaý­shy­lar­dyń der kezinde aqparattyq anyqtama alýǵa degen suranysyn qanaǵat­tandyrý maqsatynda ótken jyldyń 1 qańtarynan bastap Call-center avtomattandyrylǵan júıesi iske qosyldy. Bıyl aqpan aıynan bastap kez kelgen uıaly telefon ıesi ın­ternet arqyly wap.air-rail.info meken-jaıyna kirip, ushaqtardyń ushý kestesin, sapar týraly aqpa­rattardy bile alatyn boldy. Sonymen qatar, múmkindigi shekteýli múgedek jandarǵa da qolaıly jaǵdaı týǵyzýdamyz. Bıylǵy jyly áýejaı qyzmetiniń sapa­syn anyqtaý maqsatynda saýalnama júrgizildi. Sonyń nátı­je­sinde qyzmet kórsetý dáre­jesiniń ótken jyldarmen salystyrǵanda, sa­palyq joǵary deńgeıge jetkendigi anyq­taldy. Biraq bul biz úshin jetilý shegi emes. Aldaǵy ýaqytta Astananyń beınelik aınasy bolyp tanylatyn halyqaralyq áýejaıdyń mereıi men bedelin kóterý maqsatynda qoldan kelgenniń bárin jasaı beremiz. Qaırat JAÝHANOV, “Astana halyqaralyq áýejaıy” AQ prezıdenti.