Atalmysh joba Memleket basshysynyń tapsyrmasy aıasynda ázirlengen.
Zań jobasynyń maqsaty – Ulttyq qordyń jyl saıynǵy ınvestısııalyq kirisinen balalarǵa aqshalaı jınaq túrinde memleketten alǵashqy kómek berý, kámelettik jasqa tolǵanda balalarǵa turǵyn úı jaǵdaıyn jaqsartý nemese bilim alý múmkindigin berý.
18 jasqa tolǵannan keıin shottaǵy qarajat 10 jyl boıy saqtalady. Kórsetilgen kezeńde azamat tarapynan talap etilmegen jaǵdaıda shottaǵy qarajatty sol adamnyń zeınetaqy shotyna aýdarý usynylady.
Jobaǵa qatysý úshin qandaı da bir memlekettik organǵa júginýdiń qajeti joq, esepteýler avtomatty túrde júzege asyrylady, esepke alýdy BJZQ júrgizedi.
Jınaqtalǵan qarajatty on segiz jasqa tolǵannan keıin ǵana paıdalanýǵa bolady jáne tólenetin qarajat salyq salýdan bosatylady.
