Halyqtyń ystyq yqylasyna bólenip júrgen Qalıbek Qızatulynyń shyǵarmashylyǵy men ómir jolyn óskeleń urpaqqa ónege etý maqsatynda uıymdastyrylǵan bul is-sharada kitap kórmesi uıymdastyrylyp, A.S.Pýshkın atyndaǵy Shyǵys Qazaqstan oblystyq kitaphanasynyń Qalıbek Qızatulymen júrgizgen syrly suhbaty oqyrman nazaryna usynyldy. Suhbatta Qalıbek aqsaqal óz ómirinen syr sherte kele, sózjumbaq qurastyrýǵa qalaı bet burǵanyn aıtty.
– Sózjumbaq – qazaq qoǵamyna etene enbegen janr. Jalpy, sózjumbaq jer betinde osydan 150 jyl buryn paıda bolǵan eken. Eń alǵashqy sózjumbaq AQSh-ta 1875 jyly jaryq kórgen. Al bizde ótken ǵasyrdyń 50-jyldary «Qazaqstan áıelderi» jýrnalyna shyǵa bastady. Sodan bastap-aq mende qyzyǵýshylyq paıda boldy. Sheship kóremin, kelesi sanynda jaýaptaryn salystyramyn. Sóıtip júrip ózim qurastyratyn boldym. Ony qazaqtyń tuńǵysh sózjumbaq qurastyrýshysy Talaptan Imanbaevqa jiberip júrdim. Qorjynym toldy-aý degende, 1961 jyly qańtarda tuńǵysh sózjumbaqtar jınaǵymdy shyǵardym, – deıdi Q.Qızatuly.
Is-shara sońynda oqyrmandar avtordyń sózjumbaqtaryn qyzyǵýshylyqpen sheship, baǵaly syı-sııapatqa ıe boldy.
Shyǵys Qazaqstan oblysy,
Zaısan aýdany
