Olardyń ishinde kólik quraldary salyǵy boıynsha salyq mindettemelerinen jaltarǵan avtokólik ıeleriniń eń kóp sanyn nazarlaryńyzǵa usynamyz:
Almaty oblysy – 57,7 myń adamnyń qaryzy 3,0 mlrd teńge;
Almaty qalasy – 53,6 myń adamnyń qaryzy 4,9 mlrd teńge;
Túrkistan oblysy – 53,6 myń adamnyń qaryzy 1,2 mlrd teńge;
Shymkent qalasy – 39,9 myń adamnyń qaryzy 1,5 mlrd teńge;
Astana qalasy – 37,0 myń adamnyń qaryzy 2,5 mlrd teńge.
Eske sala keteıik, 2022 jylǵa jeke tulǵalardyń kólik quraldaryna salyq tóleý merzimi 2023 jylǵy 1 sáýirde aıaqtalǵan.
2023 jylǵy 19 mamyrdan bastap salyq somasyn ýaqtyly tólemegen tulǵalarǵa 1 AEK-ten joǵary bereshek somalary boıynsha jeke tulǵanyń bereshegin óndirip alý týraly salyq buıryqtaryn joldaý bastaldy.
Bereshek tólenbegen jaǵdaıda salyq buıryǵy tabys etilgen kúnnen keıin 5 jumys kúni ótken soń, jeke sot oryndaýshylarynyń óńirlik palatasyna májbúrlep oryndatýǵa jiberiledi. О́z kezeginde, jeke sot oryndaýshylary «Atqarýshylyq is júrgizý jáne sot oryndaýshylarynyń mártebesi týraly» Qazaqstan Respýblıkasynyń zańyna sáıkes bank shottary men múlkine tyıym salý túrinde májbúrlep óndirip alý sharalaryn qoldanýǵa quqyly. Onyń ishinde 40 AEK-ten asatyn qaryz bolsa, azamatqa el aýmaǵynan shyǵýǵa tyıym salynýy yqtımal.
Budan basqa, memlekettik kirister organdary ýákiletti organdarmen birlesip (Polısııa departamenti men Jeke sot oryndaýshylarynyń óńirlik palatasy) aǵymdaǵy jyldyń basynan bastap kólik quraldary salyǵy boıynsha bereshegi bar jeke tulǵalarǵa qatysty kún saıyn reıdtik is-sharalar ótkizip jatyr.
2023 jylǵy 5 aıdyń qorytyndysy boıynsha 10 152 reıd júrgizilip, 413 avtokólik quraly aıyppul turaǵyna qoıyldy. Nátıjesinde 963,7 mln teńge memlekettik bıýdjettiń qazynasyna tústi.
Sondaı-aq Qazaqstannan shyǵýǵa tyıym salý týraly aqparatty silteme arqyly bilýge bolady https://aisoip.adilet.gov.kz/debtors.
Jazǵy demalystarda jáne eńbek demalysy kezeńderinde jaǵymsyz saldarlardy boldyrmaý úshin Komıtet salyq bereshegi bolǵan jaǵdaıda ýaqtyly tólem júrgizýdi usynady. Salyq boıynsha bereshektiń bar/joq ekendigi týraly málimetterdi «e-Salyq Azamat» mobıldi qosymshasynda: Elektrondy servıster→Salyq jáne áleýmettik tólemder boıynsha bereshek týraly qyzmeti→JSN-dy engizý arqyly qadaǵalaýǵa bolady.
«E-Salyq Azamat» mobıldi qosymshasyn https://play.google.com/store/apps/details?id=kz.gov.kgd.android nemese https://apps.apple.com/kz/app/e-salyq-azamat/id1107556666 siltemeleri arqyly ornatýǵa bolady.
