Esterińizge sala keteıik, 2023 jyldyń 1 maýsymynda «AlES» AQ Almaty JEO gıdrkúl-qoj qaldyqtaryn qaıta óńdeý jáne kádege jaratý jónindegi ǵylymı-tehnıkalyq jobalardy izdestirý konkýrsyn qorytyndylaǵan bolatyn. Konkýrsqa jeti ótinim kelip túsken. Onyń quramyna ákimdiktiń, Almaty qalasy boıynsha ekologııa departamentiniń ókilderi, ǵylymı ınstıtýttardyń tehnıkalyq mamandary jáne «AlES» AQ kirdi. Konkýrs komıssııalarynyń sheshimimen «Arka Development» JShS joba jeńimpazy atandy. Sondaı-aq 1 000 000 teńgelik sertıfıkat tabys etildi.
Usynylǵan joba boıynsha Almaty 2-JEO janynda jyldyq ónimdiligi 300 myń tonna kúl-qoj qaldyqtaryn qaıta óńdeý kesheni salynady. Kúl-qoj qaldyqtaryn qaıta óńdeý nátıjesinde ónimniń tórt túri alynady:
- kómir jaǵý (qazandyqtarǵa arnalǵan brıkettelgen ónim),
- magnetıt (metallýrgııa ónerkásibine arnalǵan shıkizat aýyr beton toltyrǵyshy);
- mıkrosfera (plastmassadan, gıpsten, keramıkadan, jeńil sementterden jasalǵan buıymdar óndirisindegi toltyrǵyshtar);
- alıýmınıı sılıkat ónimi (qurylys materıaldaryna arnalǵan shıkizat).
Qazaqstan Respýblıkasynyń qoldanystaǵy ekologııalyq zańnamasynyń talaptaryna sáıkes, 2030 jylǵa qaraı qaldyqtardy qaıta óńdeý úlesi 40 paıyzǵa, 2050 jylǵa qaraı 50 paıyzǵa deıin jetýi tıis.
Bul joba Almaty JEO-da paıda bolatyn kúl-qoj qaldyqtaryn óńdeı otyra, olardan 99 paıyzǵa deıin paıdaly elementter alý, kúl-qoj alańdaryn qysqartý jáne olardy tolyq qalpyna keltirýge múmkindik beredi.
Is-shara barysynda «AlES» AQ-nyń «Arka Development» JShS-men odan ári yntymaqtastyǵy týraly Memorandýmǵa qol qoıyldy.
