Qazaqstanda ǵana emes, Ortalyq Azııadaǵy eń alǵashqy, tek qana ıtalııalyq parfıýmerııa men kosmetıka óndirýshileri ǵana qatysyp jatqan kúnderge Italııanyń 22 iri kompanııasy qatysýda. Oǵan qosa aýqymdy oqıǵa aıasynda Qazaqstan, О́zbekstan, Qyrǵyzstan jáne Tájikstannyń 300-den astam kosmetıka salasynyń mamandary ıtalııalyq óndirýshilermen kezdesip, aqyl-keńes almasý jumystaryna aralasyp otyr.
Italian Beauty Days – qazaqstandyq iskerlerge ıtalııalyq óndirýshilerdiń basym bóligimen tikeleı baılanys ornatýǵa, jańa isker seriktester tabýǵa, yntymaqtastyq sharttaryn talqylaýǵa, naryqty zertteýge, usynystardy taldaýǵa jáne arnaıy baǵalar boıynsha kelisimsharttar jasaýǵa jol ashyp otyr. Qyzyǵýshylyq tanytqan tutynýshylar zamanaýı sulýlyq ındýstrııasynyń úrdisteri týraly eń ózekti aqparatty alyp qana qoımaı, ıtalııalyq sarapshylarǵa sulýlyq ındýstrııasyna qatysty suraqtar qoıýǵa, oılasýǵa múmkindik alyp jatyr.
Osy oraıda bul bastama– SDB men Cosmetica Italia salalyq kompanııalar qaýymdastyǵynyń birlesken bastamasy ekendigin atap ótken jón. Onyń ishinde búkil Italııada ornalasqan transulttyq korporasııalardan bastap shaǵyn jáne orta óndiristik jáne dıstrıbıýtorlyq fırmalarǵa deıin 640-tan astam kompanııalary qamtylǵan. Cosmetica Italia-ny quraıtyn kompanııalar kosmetıka sektorynyń jalpy ulttyq aınalymynyń 90% quraıdy (2022 jyly 13,3 mlrd eýro). Sonymen qatar, Eýropada ıtalııalyq kosmetıka naryǵy Germanııa men Fransııadan keıingi úshinshi oryn alady. Máselen, dúnıejúzinde qoldanylatyn kosmetıkanyń 55 paıyzyn ıtalııalyq fırmalar óndiretinin atap ótsek te jetkilikti. Oǵan qosa Cosmetica Italia kosmetıka ónerkásibine arnalǵan halyqaralyq Cosmoprof BolognaFiere jármeńkesiniń negizgi seriktesi.
«Italııalyq óndirýshiler úshin Qazaqstan men Ortalyq Azııa naryǵyndaǵy jumys óte mańyzdy. Mysaly, 2022 jyly ıtalııalyq kosmetıkanyń Ortalyq Azııaǵa eksporty 2021 jylmen salystyrǵanda 24,9%-ke ósti. Qazaqstandy ǵana aıtar bolsaq, munda ósim 40,7%-ke jetti. Bul tańǵalarlyq dúnıe emes: Made in Italy kosmetıkasy joǵary sapa men óndirýshilerdiń ınnovasııalarǵa degen umtylysynyń arqasynda tanymal. Italııanyń kosmetıkalyq kompanııalary ǵylymı-zertteý jáne tájirıbelik-konstrýktorlyq jumystarǵa orta eseppen óz aınalymynyń keminde 6% ınvestısııalaıdy. Naryq úrdisteri men tutynýshylardyń qajettilikterine únemi nazar aýdarý bizge kóp talap etiletin qajettilikterdi qanaǵattandyra alatyn ónimderdi usynýǵa múmkindik beredi. Qazaqstanmen, jalpy Ortalyq Azııa naryǵymen, jergilikti tutynýshylardyń dástúrleri jáne talǵamdarymen tanysý, ári bilimimizdi tereńdetý ıtalııalyq kompanııalar úshin óte mańyzdy jáne qundy», deıdi Cosmetica Italia vıse-prezıdenti Fabıo Frankına.
О́z kezeginde Almatydaǵy SDB dırektory Martıno Kastellanı myrza Italııanyń óndiristik kompanııalary men Qazaqstan kásipkerleri arasyndaǵy ekonomıkalyq jáne saýda baılanystaryn nyǵaıtýdyń mańyzdylyǵyn atap ótti. Onyń pikirinshe, mundaı baılanystar Qazaqstan men óńir naryǵynyń osy salasyn joǵary deńgeıge kóterýge múmkindik beredi.
