«Memleket basshysynyń tapsyrmasy boıynsha ınjenerlik-tehnıkalyq kadrlardy daıarlaýǵa basymdyq beriledi. Úmitkerlerdi qoldaý úshin «Injenerlik-tehnıkalyq qyzmetkerler» jańa jeńildik sanaty engizildi. Sonymen qatar bizdiń bastamamyzben medısınalyq qyzmetkerlerdi irikteý qaǵıdalary jetildirildi», dep atap ótti «Halyqaralyq baǵdarlamalar ortalyǵy» AQ basqarma tóraǵasy Oljas Sákenov.
Sonymen qatar Shetelde kadrlar daıarlaý jónindegi respýblıkalyq komıssııanyń sheshimimen 328 qazaqstandyq ǵylymı taǵylymdamalar baǵdarlamasy boıynsha grant ıegeri atandy.
Otandyq ǵalymdar ınjenerlik ǵylymdar, aqparattyq-kommýnıkasııalyq tehnologııalar, bilim berý, agroónerkásiptik keshen, medısına jáne t.b. salalarda zertteýler júrgizý úshin álemniń jetekshi ǵylymı ortalyqtaryna jiberiledi.
Aıta keteıik, bıyl «Bolashaq» halyqaralyq stıpendııasyn taǵaıyndaý konkýrsyna qatysýǵa qujat qabyldaý tórt lekte ótedi.
Úshinshi legi bıylǵy 7 shildege deıin jalǵasady. Jyl sońyna deıin 17 shilde men 15 qyrkúıek aralyǵynda taǵy bir legi ótedi.
Ǵylymı taǵylymdama boıynsha konkýrstyq irikteýge qatysýǵa ótinimderdi qabyldaý 2023 jylǵy 28 tamyz ben 13 qazan aralyǵynda jalǵasady.
