«Samokat» mingender tizgindi tejeıdi

Atap aıtqanda, Senat depýtattary «Qazaqstan Respýb­lıkasynyń keıbir zańnamalyq aktilerine jol júrisin uıym­dastyrý máseleleri boıynsha ózge­ris­ter men tolyqtyrýlar engizý týraly» zań jobasyn qarap, maquldady. Osy zań arqyly «shaǵyn elektr kó­ligi qura­ly», «elektr samo­kat» uǵymdary engi­zi­ledi. On­da atalǵan kólik túr­leri­niń tehnı­kalyq sıpattamalary kórsetiledi, paıdalaný tártibi quqyqtyq turǵy­dan reg­lament­teledi. Qujat jóninde de­pý­­tat Evgenıı Bolgert baıandama jasady.

«Zań jobasynyń negizgi maq­saty – qoldanystaǵy quqyqtyq olqylyqtardy joıý jáne shaǵyn elektr kólikterin, sondaı-aq elektr samokattaryn paıdalaný má­selelerin zańnamalyq retteý. Budan bólek, zań jobasynda kólik quraldaryn mem­lekettik tirkeý týraly kýá­likterdi, júrgizýshi kýá­likterin jáne memlekettik tirkeý nómir­lik belgilerin daıyn­­­­daýǵa mem­lekettik monopolııa en­giziledi», dedi E.Bolgert.

Zań jobasyna sáıkes, «elek­trondyq samokat» uǵymyna eń joǵary konstrýk­tıvtik jyldam­dyǵy saǵatyna 25 kılometr­den aspaıtyn kólik quraly ene­di. Sondaı-aq oǵan arnaıy qoz­ǵa­lys orny belgilenbek. Máse­len, joldyń júris bóliginiń oń jaq sheti boıynsha elektr samokattardyń júrýine jol beriledi. Biraq júrgizýshi 18 jas­qa tolýǵa mindetti.

«Kez kelgen sanattaǵy kólik quralyn basqarý quqyǵyna júrgizýshi kýáligi talap etiledi. Túımelengen shlem kııý qajet. Al qarańǵy túsken ýaqytta bas­­qa kólik quraldarynyń júr­gi­zýshilerine kórinýdi qam­tamasyz etetin ja­ryq shaǵy­lystyratyn zat bolýǵa tıis. Elektr samokatyna trotýar nemese jaıaý júrginshiler jolymen saǵa­tyna 6 km aspaıtyn jyl­dam­dyqpen júrýine ruhsat beri­ledi. Shaǵyn elektr kólik qural­dary men elektr samokattary júrgizýshileriniń quqyqtary men mindetteri belgilenedi.

Budan bólek, basqa quzyretti organda tirkelgen kólik qural­darynyń «Jol qozǵalysy tý­raly» Zańda kózdelgen ta­lap­tarǵa sáıkestigin tekserý úshin ishki ister organdary qyzmetkerleriniń kólik qural­daryn toqtatýynyń negizderin belgileıtin túzetýler engizildi», dedi E.Bolgert.

Bul qyz­met túrle­rin júze­ge asyrý quqy­ǵy Ishki ister mınıstrligi janyn­daǵy sharýa­shylyq júrgizý qu­qy­ǵyndaǵy Respýblıkalyq mem­lekettik ká­siporynyna beriledi.

«Bul zań – jolda júrý sa­la­syn­­daǵy zańnamany odan ári jetildirý maqsa­tymen ázir­lendi. Atap aıtqanda osy zań aıasynda kóliktiń jańa túr­lerin paıda­lanýdyń quqyqtyq negizderi men jalpy sharttary aıqyndalady. Sondaı-aq elektr samokat já­ne sha­ǵyn elektr kólikterin júr­­gizýshilerdiń quqyqtary men mindetteri bekitiledi. Al­da­ǵy ýaqyt­ta maquldanǵan zań aza­mattardyń joldaǵy qaýip­siz­digin qamtamasyz etýge oń úlesin qosady dep senemiz», dedi zań jobasy týraly pikir bildirgen Máýlen Áshimbaev.

Sonymen qatar Palata oty­ry­synda «Qazaqstan Respýb­lıkasynyń keıbir zańnama­lyq ak­tilerine suıytylǵan gaz aınalymyn retteý jáne turǵyn úı-kommýnaldyq sharýashylyq máse­leleri boıynsha ózgerister men tolyq­tyrýlar engizý týraly» zań jobasy eki oqylymda qaralyp, maquldandy. Qu­jat jóninde baıandama jasaǵan depýtat Súıin­dik Aldashev birqatar jańa­shyldyqqa toqtaldy.

«Birinshi, jetkizý jospary sheńberin­de suıytylǵan mu­naı gazyn bólshek saýdada ót­kizýdiń shekti baǵalaryn mem­lekettik retteý belgilenedi. Bul rette, jetkizý jospary sheń­­­­berinde taýarlyq gazdy ne­mese suıytylǵan munaı gazyn ót­­ki­zetin tulǵalar úshin belgi­len­gen shekti baǵadan asyp ketýge jol bermeý týraly mindetteme qarastyrylǵan.

Ekinshi, jetkizý jospary sheń­berinde suıytylǵan munaı gazyn bólý tetigi óz­geredi. Máselen, Energetıka mınıstrligi tıisti aqparattyq júıe arqyly ózi aıqyndaıtyn tártippen jetkizý josparyn qalyptastyrady. Jer­­­gilikti atqarýshy organdar Energetıka mı­nıs­trligi aı­qyn­­­daıtyn tártippen jetkizý jos­­­pary sheńberinde bólingen suıy­tylǵan gaz kólemderin bó­lýdi bekitedi. Suıytylǵan mu­naı gazyn óndirýshiler men men­shik ıeleri suıy­tylǵan gaz­dyń jetkizý josparyn oryn­daý­ǵa jáne bólingen kólemin tara­týǵa mindetti. Jetkizý jos­pary sheńberinde ótkiziletin suıy­tylǵan munaı gazyn satyp alý quqyǵyna gaz toltyrý stansala­ry men pýnktteriniń, toptyq re­zer­výarlyq qondyr­ǵylardyń, av­­togaz quıý stansa­larynyń ıe­le­ri, sondaı-aq óner­kásiptik tuty­­ný­shylar ıe bolady», dedi S.Aldashev.

Úshinshiden, suıytylǵan gazdy óndirýshiler úshin suıy­tylǵan gazdy tek óziniń quıý estakada­la­ry arqyly kóterme satýdy jú­zege asyrý mindeti belgilen­bek. Depýtattyń aıtýynsha, tıis­ti ınfraqurylymdy daıyndaý­dy talap etetin bul norma 2024 jylǵy 1 shil­deden bas­tap qol­danysqa engiziledi. Suıy­tyl­ǵan gazdy satyp alý qu­qy­ǵy bar tulǵalar úshin de tıis­ti shek­teýler belgilenedi. Osy­laı­sha, bir gaz toltyrý stansa­syn bir ýaqytta eki jáne odan da kóp tulǵanyń paıdalanýy­na tyıym salynady. Budan bas­qa, gaz toltyrý stansalary men pýnktteriniń ıeleri úshin suıy­tylǵan gazdy saqtaý, tógý jáne quıý jónindegi óndiristik nysandaryn úshinshi tulǵalarǵa berý múmkindigi alynyp tastalady.

«Tórtinshi, turmystyq ballondardy paıdalaný kezinde qaýip­sizdikti qam­tamasyz etý maq­sa­tynda olarǵa gaz quıý tek gaz toltyrý stansalary men pýnkt­terinde ruqsat etiledi. Be­sin­shi, zań jobasynda turǵyn úı-kom­mý­naldyq sharýashylyq salasynda birqa­tar ózgerister usynylady.

Memleket basshysynyń tapsyrmasyna sáıkes 2023 jylǵy 1 shildeden keıin kóppáterli tur­ǵyn úılerdi basqarý nysanda­rynyń biri retinde páter ıeleri kooperatıvterin qaldyrý bóli­ginde túzetýler kózdelgen. Sony­men qatar tabıǵı monopolııalar sýbektisiniń jelilerine qosy­lýǵa tehnıkalyq shart­tardyń qoldanylý merzimine shekteý qoıylady jáne berý merzimderi ulǵaıtylady», dedi S.Aldashev.

Mundaǵy normalar negizinen suıy­­tyl­ǵan munaı gazynyń aınalymyn ret­teý jónindegi qol­danystaǵy zańna­ma­ny je­tildirýdi kózdeıdi. Budan bas­qa, atalǵan qujat úı-jaılardyń ıele­ri koope­ratıvteriniń qyz­metin saq­tap qalýǵa baıla­nysty turǵyn úı-kommý­nal­dyq sharýashylyǵy salasyn jetildirý jónindegi máselelerdi de qarastyrady.

«Zań gaz jáne gazben jabdyq­taý sala­synda týyndaǵan qoǵam­dyq qatynas­tardy qosym­sha retteý úshin ázirlendi. Qujattaǵy ere­je­ler suıytylǵan gazben jabdyqtaý júıesiniń ashyqty­ǵyn qamtamasyz etedi. Zań aıasynda kondomınıým obektisin basqarýdyń jekelegen másele­lerin retteýge arnalǵan normalar da bar. Aldaǵy ýaqytta zań osy saladaǵy máselelerdi oń sheshýge yqpal etedi dep senemiz», dedi Senat tóraǵasy.

Odan bólek, Palata otyrysynda senatorlar depýtattyq saýal­daryn joldady. Serik О́te­shov elimizdegi ishki kóshi-qon máse­lelerine jáne bul baǵyttaǵy memlekettik baǵdarlamalardyń olqy tustaryna nazar aýdar­dy. Bekbolat Orynbekov nasha­qorlyqqa jáne esirtki saýdasyna qarsy kúres máselesine toqtaldy.

Lázzat Rysbekova elimizde óndi­ri­le­tin gazdy qaıta óńdeý, sol arqy­ly ishki naryqty qamta­masyz etý má­selesin shuǵyl she­shýdiń mańyz­dy ekenin málim­dedi. Gennadıı Shıpov­skıh qorǵanys-ónerkásip kesheni ká­sip­­oryndarynyń basym bóligi qazirgi tańda jekemenshikke ótip ketkenine alań­daýshylyq bildirdi. Amangeldi Nuǵ­manov Aýǵan soǵysyna qatysqan otan­dastarymyzdyń áleýmettik jaǵ­daıyn jaqsartýǵa qatysty saýal joldady.

Senator Nýrııa Nııazova Qa­zaqstan halqy Assambleıasynyń etno-má­denı birles­tikter granttar alý konkýrsyna qatysa almaıtynyn aıtyp, osy baǵytta bir­qa­tar usynys jasady. Depýtat Janna Asanova Qazaqstanda áskerı qyzmetshilerge arnalǵan jeke qorǵaný quraldaryna atys synaqtaryn júrgizý úshin akkredıttelgen zerthananyń joq ekenin atap ótti. Al Sergeı Ershov eldegi órt sóndirý bó­lim­sheleriniń jartysyna jýyǵy mem­le­kettik emes ekenine nara­zy­lyǵyn bildirdi.