Kezdesýde Darhan Qydyráli mınıstrlik kompanııamen turaqty túrde qarym-qatynas ornap otyrǵanyn aıtty.
«Bizdiń Teo Bertran myrzamen 2022 jylǵy qazan aıyndaǵy kezdesýimizden keıin TikTok-tyń ınterfeısi qazaq tiline aýdarylǵany úshin kompanııaǵa alǵysymdy bildirgim keledi. Osy jetistikke toqtap qalmaı, ınterfeıstiń qazaq tilindegi fýnksııalaryn odan ári keńeıtý boıynsha jumystardy jalǵastyrýǵa nıettimiz», dedi mınıstr.
Sondaı-aq mınıstr TikTok-taǵy vıdeokontentti avtomatty túrde qazaqshaǵa aýdarý, jalpy jelidegi máziri túgelimen memlekettik tilge tárjimalaý máselesin kóterdi.
Qazir Parlamentte talqylanyp jatqan «Onlaın-platformalar jáne ınternet jarnama týraly» zań jobasy talqylanyp jatqany belgili. Darhan Qydyráli zań jobasy aıasynda álemdik onlaın platforma ıelerimen yntymaqtastyqty, ásirese, qazaq tilindegi kontentti moderasııalaý men monetızasııalaýǵa mán beriletinin aıtty. Máselen, mınıstr TikTok-te kontent jasaǵany úshin Creator Fund arqyly qarjy alatyndar qataryna Qazaqstandy qosý qajettigin jetkizdi.
Takýıa Iаmagýchı mınıstr kótergen máseleler boıynsha birlesip jumys isteýge ázir ekenin aıtyp, Qazaqstandaǵy medıa salanyń jumysyna oń baǵa berdi.Oǵan qosa, kompanııa ókilderi Tıktoktyń kıberbýlıngke qarsy jumystaryna toqtalyp, kontentti lokalızasııalaý jóninde de qadaǵalaý júrgiziletinin jetkizdi. Jýyrda Astana men Almatyda kompanııanyń ókildigi ashylady.
TikTok-tyń Ortalyq Azııa laıf strımıng boıynsha bas menedjeri Vega Song Qazaqstanda tıktokerlerdiń kóptep shyǵyp jatqanyn, ásirese, tikeleı efır formatyna kóp kóńil bólinetinin aıtty.
О́z sózinde Darhan Qydyráli jelide kámeletke tolmaǵandardy tirkeý saıasatyn qaraý boıynsha jumys júrgizýdi usynyp, qonaqtardy 20-21 maýsymda Astanada ótetin Halyqaralyq volonterler forýmyna shaqyrdy.
