Buqaralyq aqparat quraldary qyzmetkerleri merekesine oraı uıymdastyrylǵan is-sharada óńir basshysy jýrnalısterdi merekesimen quttyqtap, alǵysyn jetkizdi.
«Búgingi aqparattyq-kommýnıkasııalyq tehnologııa zamanynda jýrnalıst bolý ári jeńil, ári qıyn. Olaı deıtinim, qazir aqparat legi óte kóp. Solaı bola tura sonyń ishindegi eń paıdalysyn, qajettisin halyqqa suryptap, saralap, tarazylap jetkize bilý, málimetterdiń ras-ótirigin anyqtaý, ár sózdiń salmaǵy men jaýapkershiligin seziný asa mańyzdy. Rasynda, elimizde ashyq ári ádiletti qoǵam qalyptastyrýda, qoǵamdyq baqylaýdy kúsheıtýde, bılik pen halyq arasynda altyn kópir bolýda aqparat quraldarynyń róli zor. Sondyqtan aqparattyq saıasattaǵy ózgerister, eń aldymen, BAQ jumysyna tikeleı qatysty, dep atap ótken aımaq basshysy Qazaq jýrnalıstıkasyna eseli eńbek sińirgen ardagerler men aǵa býyn ókilderiniń esimderin aıryqsha atap, oblystaǵy baspasóz arnalary men basylymdaryn sóz etti.
Ulttyń asyl muratyn asqaqtatyp, joǵyn túgendep, qundylyǵyn qasterleý, asqaq armanyna qol jetkizip, rýhymyzdyń jalaýyn jelbiretý maqsatynda osydan 105 jyl buryn, ıaǵnı 1918 jyldyń 21 maýsymynda gazet bolyp hattalǵan, talaı basylymdy baýyrynan qanattandyrǵan «Jetisý» gazetiniń mereıtoıyna oraı oblys ákimi B.Isabaev ujymǵa sý jańa (JAC J7) markaly avtokólik tartý etti.
Kóńil tolqyǵan saltanatty jıyn barysynda Qazaqstannyń Qurmetti jýrnalısi Jaqypjan Nurǵojaev ata basylymnyń taraý-taraý tarıhyn aıtyp, oblys ákimine jýrnalıster qaýymy atynan alǵys bildirdi.
Jetisý oblysy
