Yntymaqtastyqtyń aıaq alysy

Úkimetaralyq komıssııanyń ju­mysyna eki eldiń sala­lyq­ mınıstrlikteri men vedoms­t­vo­­larynyń ókilderi qatysty. Oty­rys­tyń kún tártibi ózara saýdany keńeı­tý, birlesken ınvestısııalyq joba­lardy, onyń ishinde shaǵyn jáne orta bıznes, kólik jáne logıs­tıka, agroónerkásiptik keshen, azyq-túlik ónerkásibi, qurylys, mashına jasaý, farmasevtıka, qarjy, bilim berý jáne týrızm salalaryndaǵy jobalardy iske asyrý máselelerin qamtydy.

Taraptar Qazaqstan men Pol­sha­ arasyndaǵy ekijaqty taýar aına­lymy artyp kele jatqanyna toq­taldy. Onyń kólemi 2022 jyly 1,4 mlrd dollardy qurady. 2023 jyldyń alǵashqy 4 aıynda onyń kólemi 430 mln dollardan asty. Osy oraıda Polsha úkimet­aralyq komıssııanyń teń­ tóraǵasy G.Pehovıak Qazaq­stan Polshanyń Ortalyq Azııa­da­ǵy jetekshi seriktesi ekenin aı­typ, polıak tarapynyń elimiz­ben saýda-ekonomıkalyq ynty­maq­tas­tyqty odan ári arttyrýǵa nıet bil­dirdi.

О́z kezeginde R.Vasılenko memleket tarapynan sheteldik ınves­tor­lardy qoldaý quraldary týra­ly habardar etti. 2022 jyl­dyń­ qorytyndysy boıynsha Qazaq­stanǵa barlyq sheteldik árip­testerden tikeleı sheteldik ınves­tı­sııalardyń jalpy aǵyny 28 mlrd dollardy qurady. Bul – keıingi 10 jyl­daǵy rekordtyq kórsetkish. Bul­ rette Polshadan 2022 jyly 75 mln dollar, al 2005 jyldan beri­ 350 mln dollar tartylǵan. Qazaq­stan­da polıaktardyń qatysýymen 100-den as­tam kompanııa jumys isteıdi.

Batystyń sanksııalyq saıa­sa­tynyń Qazaqstan ekonomıkasy­na­ janama áseri jáne onyń osy­ másele boıynsha sheteldik árip­tes­termen ózara is-qımyly másele­lerine erekshe nazar aýdaryldy. Polshanyń Eýropalyq odaqqa músheligin eskere otyryp, tarap­tar Astana men Brıýssel ara­syndaǵy Eýropaǵa sapar she­ge­tin Qazaqstan azamattary úshin vıza­lyq­ rejimdi jeńildetý jónindegi kelis­sózderdi jedel bastaýdyń mańy­zyn atap ótti.

Birqatar baǵyt boıynsha ynty­maq­­tastyqty arttyrýǵa ózara múd­de­lilikti rastaı otyryp, tarap­tar basym birlesken iskerlik joba­lar­dyń tizimin ózektendirdi jáne ekono­mıkanyń naqty salalarynda ekijaqty ózara is-qımyldy nyǵaı­tý ýaǵdalastyǵyna qol jet­kiz­di. Is-sharanyń nátıjesinde Qazaq­stan-Polsha ekonomıkalyq ynty­maq­tas­tyq jónindegi úkimetaralyq komıs­sııasy otyrysynyń hattama­syna qol qoıyldy.

Oty­rys qarsańynda Varshavada eki­ eldiń isker toptarynyń 250-den­ astam ókiliniń qaty­sýy­­men «Polsha-Qazaqstan» bız­nes-forýmy ótti. Forým bary­syn­da elimizdiń ınvestısııalyq ále­ý­eti tanystyryldy. Birqatar sala­daǵy ózara is-qımyl máseleleri qaras­tyryldy. Bıznes-forým qory­tyndysy boıynsha eki eldiń kom­mersııalyq sýbektileri arasynda birqatar ýaǵdalastyqqa qol jetkizildi. Sondaı-aq «Kazakh Invest» UK» AQ men Polshanyń «Seneka poland» kompanııasy ara­syndaǵy Qazaqstanda balyq azyǵyn óndiretin eki zaýyt salý týraly ózara túsinistik týraly memorandýmǵa qol qoıyldy. Jobanyń quny 100 mln eýrony quraıdy.

Sapar aıasynda Qazaqstan Syrt­qy­ ister mınıstriniń orynbasary R.Vasılenko Polsha Prezıdenti janyn­daǵy Halyqaralyq saıasat bıýro­synyń basshysy Marchın Pshıdachpen, Polsha Syrtqy ister vıse-mınıstri Pavel Iаblonskıımen ekijaqty kezde­sý­­leri ótkizildi. Ekijaqty jáne kópjaqty kún tártibindegi ózekti máseleler boıynsha jan-jaqty pikir almasty. Kelissózder qory­tyn­dysy boıynsha saıası, saýda-eko­no­mıkalyq jáne mádenı-gýmanı­­tarlyq salalardaǵy odan ári prak­tıkalyq ózara is-qımyl týraly ýaǵdalastyqqa qol jetkizildi.

Polshanyń jetekshi analıtı­ka­lyq toptary ókilderiniń qaty­sýy­men ótken dóńgelek ústelde R.Vasılenko jaqynda ótken Astana halyq­aralyq forýmynyń qory­tyn­dylaryn, Qazaq­stan­nyń kóp­vektorly syrtqy saıasatyn iske asyrýdyń negizgi baǵyttaryn usyn­dy.­ Varshavadaǵy is-sharada eki el­diń­ ǵylymı-zertteý ınstıtýttary jelisi boıynsha yntymaqtastyqty odan ári keńeıtýge ózara múddeli ekenin jetkizdi.