Turaqtylyq – ózekti másele

Prezıdent Qasym-Jomart Toqaev forýmǵa qatysýshylarǵa arnaǵan qut­tyqtaý beıne-úndeýinde qazir aımaq úshin turaqtylyqty saqtaý jáne qaýipsizdikti nyǵaıtý asa mańyzdy mindet ekenin atap ótti. Ol úshin yqtımal qaýipke durys boljam jasaý, aldyn ala áreket etý sharalary jáne jańa ári sapaly ortaq ádisterdi jedel ázirleý mańyzdy.

Basqosýda qazirgi halyqaralyq jaǵdaıdy jáne aımaqtaǵy elderdiń ulttyq múddelerin eskere otyryp, yn­tym­aq­tastyqtyń naqty salalaryn da­my­tý qarastyryldy. Prezıdent kómek­shisi, Qazaqstan Qaýipsizdik Keńesi­niń hatshysy Ǵızat Nurdáýletov yntymaq­tastyqtyń basym baǵyttaryn, onyń ishinde Aýǵanstandaǵy jaǵdaıdy turaq­tan­dyrýǵa, kólik jáne azyq-túlik qaýipsizdigin qamtamasyz etýde birlesip áreket etýdi usyndy. Klımattyń ózgerýi jaǵdaıynda ortaq ekojúıeni saqtaý úshin sý qaýipsizdigi máselesi erekshe nazar aýdarýdy qajet etetin taqyryp retinde talqylandy.

Sonymen qatar Ǵızat Nurdáýletov pen Reseı Qaýipsizdik keńesiniń hat­shysy Nıkolaı Patrýshevtiń tór­aǵalyǵymen ekijaqty kezdesýde taraptar Ortalyq Azııadaǵy terrorızm men dinı ekstremızmge qarsy is-qımyl boıynsha yntymaqtastyqty talqylap, qazirgi geosaıası jaǵdaıǵa baǵa berdi. Oǵan tıisti memlekettik organdardyń basshylary men qyzmetkerleri qa­tysty.

Jıyn qorytyndysyna sáıkes Ortalyq Azııa memleketteri arasyndaǵy dıp­lo­ma­tııalyq qarym-qatynastar ny­ǵaıyp, qaýipsizdik salasyndaǵy yntymaq­tastyq­ty damytý jandana beretini aıtyldy.

ALMATY