Aqtaý qalasyndaǵy 26 jeke balabaqshanyń dırektory birigip, 1 000 teńgeden jınap, Aqtaý qalalyq bilim bóliminiń basshysyna jalpy somasy 40 myń teńgege saýda úıinen sertıfıkat pen tort syılaǵan.
«Bul jaǵdaı týraly bilim bóliminiń basshysy ózi habar bergen. Laýazymdy tulǵaǵa syılyq berýge árekettengen 25 balabaqsha dırektory óz is-áreketterin birden moıyndady. Olarǵa qatysty QR ÁQbK 676-babyna sáıkes ákimshilik hattama jasaqtalyp, árqaısysy 345 000 teńge aıyppul tóledi. Bir dırektor bul áreketin moıyndamaǵandyqtan ákimshilik is sotta qaralyp, dırektor kináli dep tanyldy. Ol 483 000 teńge aıyppul tóledi», dedi Birjan Haırýllın qoǵamdyq kommýnıkasııalar alańynda ótken brıfıng barysynda.
Osy oraıda Sybaılas jemqorlyqqa qarsy qyzmet memlekettik qyzmetshiniń ózine baǵynysty tulǵalardan qandaı da bir sebepterine qaramastan syılyq qabyldaýǵa quqyǵy joq ekenin qatań eskertti.
