О́tken aptada IIM esirtki qylmysyna qarsy is-qımyl departamentiniń qyzmetkerleri zańsyz aınalymnan 1 940 keliden astam esirtkini tárkiledi. Máselen, Aqmola oblysynda aýmaqtyq polısııa departamentimen birlesip, Astana, Kókshetaý jáne Qaraǵandyda kannabıs tobynyń esirtkilerin satýmen aınalysqan uıymdasqan qylmystyq toptyń qyzmeti toqtatyldy. Top 11 adamnan turǵan, olardyń arasynda bir kámeletke tolmaǵan bala da bar.
Al Qyzylorda oblysynyń Shıeli aýdanynda apıyn kóknárin ósirýdi uıymdastyrǵan jergilikti turǵyn ustaldy. Bir gektar jerge qylmysker 2 377 kóknár butasyn otyrǵyzǵan. Quramynda esirtki bar ósimdikterdiń jalpy salmaǵy shamamen 300 kılony qurady. Tintý barysynda plantasııada úsh keli keptirilgen marıhýana tárkilendi.
Sondaı-aq Jambyl oblysynda da qarasora ósirý faktisi anyqtaldy. Polıseıler aýdany 1 ga jerge qarasora ósirý faktisiniń jolyn kesti. Quramynda bir jarym tonnadan astam esirtki bar ósimdik zańsyz aınalymǵa jiberilmedi.
Tarazda bizdiń elde ýaqytsha turatyn sheteldik azamattyń qarasora ósirý áreketiniń joly kesildi. Onyń paıdalanýǵa daıyn tórt qarasora butasy men 100 gramnan astam marıhýana tárkilendi.
«Qarasora» arnaıy operasııasy bastalǵaly ótken aıda polıseıler 237 qylmysty anyqtady, onyń ishinde 88 ótkizý faktisi, 35 asa iri mólsherde esirtkini zańsyz saqtaý faktisi, quramynda esirtki bar ósimdikterdi ósirýdiń 88 faktisi tirkeldi. Bes esirtki zerthanasy joıyldy. Zańsyz aınalymnan úsh tonnadan astam esirtki tárkilense, onyń ishinde eki tonnadan astam marıhýana, 300 kg apıyn kóknary, 29 kg gashısh, 4 kg sıntetıka jáne shamamen 1 kg geroın bar.
