«Egemenniń» tilshisi – «Sóz zergeri»

Bıyl baıqaýǵa 300-den asa adamnan 2 myń jumys kelip tústi. Onyń basym kópshiligin (60 paıyzy) aımaqtaǵy aqparat salasynyń ókilderi joldady. Baıqaýǵa YouTube jobalar da qabyl­dan­dy. Osylaısha, 7 atalym men 3 arnaıy syılyq boıynsha jeńim­pazdar anyqtaldy. Aıta keter­­ligi, jeńimpazdar qatarynda «Egemen Qazaqstan» gazetiniń Aq­mo­la ob­lysyndaǵy menshikti tilshisi Baı­­qal Baıádil de bar.

Saltanatty rásimdi ashqan «Ama­nat» partııasynyń tóraǵasy Erlan Qoshanov aqparat qural­darynyń ókilderin kásibı mere­kelerimen qut­tyqtap, bul jýrna­lısterdiń ǵana merekesi emes, ha­lyqtyq meıram ekenin atap ótti.

«Qoǵam sapaly, shynaıy jáne tanymdyq dúnıelerdi oqyǵysy keledi. Mundaı aqparatty naqty derek pen dáıekke súıenetin jýrnalıst qana usyna alady. Ol – sózdiń qýaty men qadirin biletin, jaýapkershiligi joǵary, kásibine adal naǵyz maman. BAQ-tyń bas­ty mıssııasy da – osy. Sizderdiń maqalalaryńyz ben sıýjetterińiz qoǵamdy udaıy alǵa jetelep otyratyn, el damýyna yqpal etetin qundylyqtardy dáripteıdi. Bul – patrıotızm, adal eńbek, beı­bitshilik pen turaqtylyq, zań men tártip, bilimge qushtarlyq, týǵan jeri men tól mádenıetine degen súıispenshilik. «Amanat» par­tııasynyń baıqaýy osyndaı jýrna­lıstik jumystardy qoldaýǵa baǵyt­talǵan», dedi partııa tóraǵasy.

Sonymen, baıqaý komıs­sııasy­nyń sheshimimen «Amanat» – 2023 Medıa syılyǵynyń» bıylǵy báse­ke­sinde «Elimizdegi reformalar týraly úzdik materıal» atalymy bo­ıynsha «Astana Aqshamy» gazetiniń shef-redaktory Tólen Tileýbaı, «Eńbek adamy týraly úzdik materıal» atalymy boıynsha Qazaqstan Jýrnalıster odaǵynyń múshesi Qoılybaı Asanov jeńiske jetti.

«Aımaq týraly eń úzdik materıal» atalymy boıynsha Qazaq radıosynyń júr­gizýshi-redakto­ry Almıra Elim­sarına jáne «Informburo.kz» portalynyń sholý­shy­sy Oksana Trofımova, «Rýhanı-mádenı damý týraly úzdik materıal» atalymy boıyn­sha Shalqar radıosy Almaty stýdııasynyń redaktor-júrgizýshisi Janar Ora­zym­betova shashasyna shań juq­tyrǵan joq.

«Jastar týraly úzdik mate­rıal» atalymy boıynsha «KTK» tele­arnasynyń redaktor-júrgi­zýshisi Áıgerim Asqarqyzy men «31 arna» jańa­lyqtar qyz­metiniń aımaqtaǵy tilshiler redaktory Aıdana Shibi­keeva, «Alash qozǵalysy boıynsha úzdik materıal» atalymy boıynsha «Jetisý» telearnasynyń prodıýser-jýr­­nalısi Gúljan Qyzaıbaeva úzdik dep tanyldy.

«Azamattyq borysh týraly úzdik materıal» atalymy boıynsha «NUR.KZ» aqparattyq portalynyń tilshisi Iýlııa Abramova jáne «Lıter» respýblıkalyq qoǵamdyq-saıası gazeti aqparat bóliminiń meńgerýshisi Temirlan Quspaev marapattaldy. Al Maǵjan Ju­mabaev atyndaǵy «Sóz zergeri» syılyǵy «Egemen Qazaqstan» gazetiniń Aqmola oblysyndaǵy menshikti tilshisi Baıqal Baıádilge buıyrdy.

Sherhan Murtaza jáne Ka­mal Smaıylov atyndaǵy «Te­le­vı­zııa úzdigi» syılyǵyn «Jibek joly» telearnasynyń baǵ­darlama av­tory-júrgizýshisi Janar Baısemiz ben «Astana» telearnasynyń Qos­tanaıdaǵy menshikti tilshisi Zańǵar Sanaı ıelendi. «Belsendi azamattyq ustanymy úshin» syı­lyǵyn «Qasqa Jol» YouTube arna­synyń avtor-júrgizýshisi Abaı Tlen­shıev jáne «Turkistan Media Holding» JShS-nyń basqarýshy dırektory Telman Beısenov aldy.