Is-shara barysynda dástúr boıynsha Akademııa rektory Erlan Ábil túlekterdi quttyqtap, jyly lebizin bildirdi.
«О́zgermeli zaman talaptaryna sáıkes bilimdi, kásibı quzyrettiligi mol, básekege qabiletti mamandardy daıarlaý maqsatynda Akademııa óz tarapynan aýqymdy jumystar júrgizip jatyr. Akademııa qabyrǵasynda alǵan bilimderińizben elimizdiń órkendep-damýyna eleýli úles qosyp, memlekettik basqarý salasynyń bilikti mamany bolatyndaryńyzǵa, Akademııa túlegi mártebesin bıik ustaıtyndaryńyzǵa senimimiz mol», dedi rektor.
Aıta ketsek, bıyl Basqarý ınstıtýtynyń 4 magıstranty Akademııa men Fınlıandııanyń Seınıaıokı qoldanbaly ǵylymdar ýnıversıteti arasyndaǵy kelisim boıynsha qosdıplomdy baǵdarlama aıasynda bilim alyp keldi.
Saltanatty is-sharada Memlekettik saıasattyń ulttyq mektebin támamdaǵan Birjan Álimjanov Akademııaǵa alǵysyn bildirdi.
«Memlekettik basqarý akademııasynyń tabaldyryǵyn attaǵan sátte, barlyǵymyzda ortaq maqsat paıda boldy, ol – bilim men biliktiligimizdi ushtaý, oqýdy abyroımen aıaqtaý. Kózdi ashyp jumǵansha bizge berilgen ýaqyt aıaqtaldy, maqsatymyzdyń iske asýyna bir ǵana qadam qaldy. Árbir túlekke alǵan bilimderin halyq ıgiligine, paıdasyna jaratýyna tilektespin. Qazaqtyń qamyn jeý, muń-muqtajyn túgendeý, baýyrǵa basqan árbir balasynyń laıyqty ómir súrýine jaǵdaı jasaý bizdiń – qatardaǵy memlekettik qyzmetshilerdiń, jańa býyn basshylarynyń asyl muraty. Akademııada oqýmen qatar, kúndelikti kúıbeń, arpalys tirshilikte baǵasyna jete bermeıtin rııasyz dostyq, shynaıylyq, adaldyq, qarapaıymdylyq sekildi adamı qundylyqtardyń mánimen qaıta qaýyshtyq. Teńeýmen aıtsam, biz úshin Akademııa - memlekettik qyzmet dep atalatyn alpaýyt muhıtta kezdesken tynyshtyq araly», dedi túlek.
Saltanatty is-sharaǵa QR Prezıdenti Ákimshiligi Memlekettik basqarý bóliminiń meńgerýshisi Altaır Ahmetov, QR Prezıdenti Ákimshiliginiń Syrtqy saıasat jáne halyqaralyq baılanystar bóliminiń meńgerýshisi Dáýletbek Qusaıynov, QR Prezıdenti Ákimshiliginiń Memlekettik qyzmet jáne kadr saıasaty bóliminiń meńgerýshisi Rýslan Turǵanaly, Fınlıandııanyń Qazaqstan Respýblıkasyndaǵy Elshisi Soılı Mıakelıaınen-Býhanıst, QR Memlekettik qyzmet isteri agenttiginiń tóraǵasy Darhan Jazyqbaev, Astana habynyń Memlekettik qyzmet salasyndaǵy basqarýshy komıtetiniń tóraǵasy Álıhan Baımenov, QR Úkimeti Apparaty Basshysynyń orynbasary Asqar Bıahmetov, QR Parlamenti Májilisi tóraǵasynyń orynbasary Danııa Espaeva, QR Ǵylym jáne joǵary bilim mınıstri Saıasat Nurbek, QR Parlamenti Májilisiniń eks-depýtaty Ersultan Bekturǵanov qatysty.
