«Búginde azamattarymyz ózderiniń zańdy quqyqtaryn, konstıtýsııalyq bostandyqtaryn jáne jeke menshigin qorǵaý úshin memleketke júginedi. Olar qıyn jaǵdaıǵa tap bolǵanda bılik ókilderi ádildikti tez arada qaıta ornatady, kinálilerdi jaýapqa tartady jáne shyǵyndy óteýge kómektesedi dep úmittenedi. Sondyqtan aryz-shaǵymdardy barynsha jyldam ári kásibı túrde qarastyryp, áreket etý qajet», dedi Memleket basshysy.
Alaıda shaǵymdardyń kóptigi quqyq qorǵaý júıesiniń bul mindetti tıisti deńgeıde atqara almaı jatqanyn kórsetedi. Azamattar jyldar boıy talaı mekemeniń tabaldyryǵyn tozdyryp, naqty jaýap tappaı, shyndyqqa qol jetkize almaı júr. Sondyqtan Prezıdent tapsyrmasy boıynsha Quqyq qorǵaý júıesin reformalaý jónindegi komıssııa qylmystyq jáne qylmystyq prosestik zańnamany jetildirý týraly zań jobasyn ázirledi.
«Bul qujat tergeýshilerdiń jáne anyqtaýshylardyń jumysyn jeńildetý úshin kerek. Basty maqsat – olardy artyq rásimderden, qujattardan aryltý. Túptep kelgende, munyń bári sizderge kómek surap kelgen azamattar úshin jasalyp jatyr», dedi ol.
