Atalǵan veb-platformanyń bilim sapasynyń artýyna áseri tájirıbemizden ájeptáýir seziledi. Ásirese, muǵalim men oqýshylardyń ózara yntymaqtastyǵyn nyǵaıtý, ata-ananyń óz balasynyń bilim deńgeıin muqııat qadaǵalaı alýyna tıimdi basymdyq berilgen. Platforma taraýlarynyń qoldanystaǵy oqýlyq taraýlarymen ózara úndestigi erekshe. Sabaq mazmunymen aldyn-ala tanysý, vıdeomaterıaldar arqyly bilim jetildire túsý múmkindigi joǵary. Jaz mezgilinde de sıfrly kontentpen udaıy izdenip turamyz. Iаǵnı, maýsym tańdamaı, tapsyrma oryndap, bilim deńgeıin úzdiksiz jetildirýge múddelimiz.
Platforma kez kelgen braýzerde qyzmet isteıdi. Júıe ınternet-platformalarǵa qoıylatyn talaptarǵa tolyǵymen sáıkes keledi. Atap aıtqanda:
- baı beıne, aýdıo materıaldary jáne ınteraktıvti deńgeıi ártúrli tapsyrmalar júıesi bar;
- derbes kompıýterlerge arnaıy baǵdarlamalyq qamtamasyz etýdi ornatýdyń qajeti joq;
- kez kelgen qurylǵyda (kompıýterler, planshetter, smartfondar) jumys isteý múmkindigi;
- ıntýtıvti túsinikti jáne paıdalanýshyǵa ınterfeısi yńǵaıly.
Topiq.kz platformasyna qosylý orta mektepterdiń bilim berý júıesine kóp septigin tıgize alady. Máselen «bir tereze» prınsıpimen oqýshylardyń biryńǵaı sıfrlyq portfelin qalyptastyrady. Qazaq oqýlyqtaryndaǵy ınteraktıvti tapsyrmalar men medıa-kontentterdiń kóptigin qamtamasyz etedi. Barlyq mektepter, oqýshylar jáne baspagerler úshin qoljetimdi sıfrlyq bir ortany qalyptastyrýy – óz aldyna úlken dúnıe. Jeńil portfolıo arqyly oqýshylardyń densaýlyǵyn saqtaý, ustazdardyń ádis-tásilderin keńeıtip, qaǵazbastylyqty azaıtýdaǵy nátıjesin de aıyryqsha atap ótýge bolady.
Sondyqtan jazǵy kanıkýl kezinde de ýaqytty tıimdi ótkizý quraly retinde óz tájirıbemizben bólisip otyrmyz.
Altyn KAMENOVA,
Y.Altynsarın atyndaǵy orta mekteptiń dırektory,
Atyraý oblysy Qurmanǵazy aýdany
