Atyraý munaı óńdeý zaýytynyń aýmaǵynda qara tútin býdaqtap jatyr. Tútinniń býdaqtaǵanyna 2 saǵattan asty.
Zaýyttyń qoǵammen baılanys tobynyń málimetinshe, elektr jelisindegi aqaýdyń saldarynan qondyrǵylardyń jumysy apattyq jaǵdaıda toqtatylǵan.
«Atyraý munaı óńdeý zaýyty búgin, 3 shilde kúni jergilikti ýaqytpen saǵat 17:25-te jumysyn toqtatty. Buǵan «KEGOC» AQ tarapynan elektr energııasynyń óshirilýi sebep boldy. Tehnologııalyq reglamentke sáıkes apatty jaǵdaıdyń aldyn alý maqsatynda elektr energııasynyń syrtqy jelilerin tolyq qalpyna keltirgenge deıin zaýyttyń otyn jelisi fakelge jiberildi. Aqaýlardy joıý nátıjesi týraly qosymsha habarlanady», dep málim etti zaýyttyń qoǵammen baılanys bólimi.
