«Qanshama jyl osy mekemede qyzmet atqaryp júremiz. Bizdegi birden bir másele - órt sóndirýge arnalǵan tehnıkalardyń tozyǵy jetkendigi. Qazir tehnıkanyń ozǵan, damyǵan ýaqyty ǵoı. Biraq biz áli kúnge deıin sol eski qural-jabdyqtarmen jumys jasaımyz. Sizderden osy máseleniń sheshilýine yqpal jasaýlaryńyzdy suraımyz», dedi Orman órt sóndirý stansııasynyń basshysy Amanbek Jasarov.
Mamandardyń aıtýynsha, orman sharýashylyǵyndaǵy tehnıkalardyń ábden tozyǵy jetken. Sondaı- aq ondaǵy qyzmetkerlerdiń jalaqysy da mardymsyz.
«Mundaǵy jumys ýaqytyna qaramastan qyzmetkerlerdiń jalaqysy óte az. Olar kúndiz túni qolaıly, qolaısyz aýa raıynda da jumys isteıdi. Sondyqtanda jalaqy máselesi rettelse jaqsy bolar edi», dedi Zaısan ormanshylyǵy basshysynyń mindetin atqarýshy Aıdyn Eskendirov.
«Bárińizge belgili jaqynda Abaı oblysynda bolǵan orman órti osy salada túıtkildi máselelerdiń bar ekendigin kórsetti. О́z kezeginde Memleket basshysy da saladaǵy kemshilikterdi anyqtap joıý qajettigin atap ótti. Sonymen qatar osy jyldyń 1 shildesinen bastap ormanshylardyń aılyǵy kóterildi. Al materıaldyq-tehnıkalyq bazany jaqsartý jumystary kezeń-kezeńimen júzege asyrylady dep málimdegen bolatyn mınıstrlik. Bul másele boıynsha Májilis depýtattary tıisti mınıstrliktiń jumysyn nazarda ustaıtyn bolady», dedi Erlan Saırov.
Sapar barysynda Májilis depýtattary Shyǵys Qazaqstan oblysynyń Glýbokoe, Altaı, Katon-Qaraǵaı, Kúrshim, Tarbaǵataı aýdandaryna baryp, turǵyndarmen kezdesedi.
