Onyń aıtýynsha, jylda qaıtalanatyn jaǵdaıdan quzyrly mekemeler sabaq almaı keledi.
«Ýlaıtyn mekemelerde jaýapkershilik joq. Memlekettik satyp alýda olar kórsetken tehnıkalar, preparattar túgel me, joq pa, dárilerdi sýǵa jetkilikti deńgeıde qosqan-qospaǵanyn eshkim bilmeıdi. Jaýapty basqarma, departamentter, aýdan ákimdigi baqylaýdy qaǵaz júzinde jasaıdy.Zııankesterdi ýlaý jumysy aqsap tur. Moıyndaý kerek. Júıe joq. Algorıtm durys emes. Ashyqtyq týraly aıtpaı-aq qoıaıyq» deıdi ol.
Dáýren Seıitjanuly tıisti mekemelerdiń salǵyrttyǵyn synǵa alady. Onyń aıtýynsha, jýrnalıstiń birneshe kún buryn jazǵan jazbasyndaǵy suraqtarǵa quzyrly mekeme atústi jaýap bergen.
«Kreolın - H preparaty qansha tonna? Oǵan qansha jumsaldy? Qupııa kúıinde qaldy. Nege? Al ýaqyt ozǵan saıyn mal-jannyń mazasy qashyp jatyr», dep oıyn aıaqtady ol.
