Jańadan kásip ashqan, ne baıyrǵy kásibin keńeıtkisi kelgen el azamattary endi bul maqsattary úshin nesıe resimdeı alady. Ásirese sút-taýarlyq fermalaryna (400 bastan bastalady), et óndiretin qus fabrıkalaryna (jylyna 5 myń tonna qus eti), kókónis saqtaýǵa (1000 tonnadan bastap), sondaı-aq zamanaýı sý únemdeıtin tehnologııalardy paıdalanatyn sýarmaly eginshilikke (kartop, kókónis, mal azyǵy) aıryqsha basymdyq beriledi.
Qarjylandyrý respýblıkalyq nemese jergilikti bıýdjet esebinen júzege asyrylady. Jobaǵa sáıkes, jergilikti atqarýshy organ 10 jylǵa jyldyq 0,1 paıyzdyq syıaqy mólsherlemesimen nesıe usynady. Negizgi qaryzdy óteıtin jeńildik kezeńi 24 aıdan aspaıdy. Bıýdjet nesıesin ıgerý kezeńi – 12 aı.
Mınıstrliktiń túsindirýinshe, ákimdikter fermerlerge nesıe berý úshin tekserilgen agentterdi paıdalanady. Bul rette nesıe berý merzimi 10 jyldy quraıdy, al eń joǵarǵy soma – 5 mlrd teńge. Syıaqynyń nomınaldy mólsherlemesi jyldyq 2,5 paıyzdan kóp emes. Eń basty talap – kepil múliktiń bolýy. О́z qyzmeti úshin agent qandaı da bir komıssııa, jarna nemese basqalaı tólem talap etpeıdi.
Kredıtteý baǵdarlamasyna qatysýshylardy irikteý úshin basty krıterıı – ımportty almastyrýdy eskere otyryp óńir halqyn sapaly jáne qoljetimdi azyq-túlikpen qamtamasyz etý, ýaqytsha jáne turaqty jumys oryndaryn qurý, aýyl halqynyń tabysyn arttyrý sheńberinde jobalarmen yntymaqtastyq jáne kooperasııa bolmaq.
Sonymen birge áleýetti qaryz alýshy óndiris nemese aýyl sharýashylyǵy ónimderin óńdeý salasynda 5 jyldan kem emes ýaqyt jumys istegen bolýǵa tıis.
