TobolInfo aqparat agenttiginiń málimetinshe, polıseıler qylmyskerlerge qosylyp, esirtki saýdasymen aınalysqan. Iske 3 polısııa qyzmetkeri qatysqan.
«Qostanaı oblysy boıynsha IID qyzmetkeri Amze A.M-nyń qylmystyq quqyq buzýshylyq jasaý faktisi boıynsha sotqa deıingi tergep-tekserý bastaldy, ony Qostanaı oblysy boıynsha Ulttyq qaýipsizdik komıtetiniń departamenti júrgizip jatyr», delingen «TobolInfo» saıtynda.
«Qyzmettik tekseris nátıjesi boıynsha oblystyq polısııa departamentiniń esirtki qylmysyna qarsy kúres basqarmasynyń bastyǵy Álmaǵambetov A.Q., orynbasary Qartbaev A.J., Qostanaı qalasy polısııa bastyǵynyń orynbasary M.N.Bazarbaev, Qostanaı qalasy bastyǵynyń orynbasary Shubaıov B.A., Qostanaı MM bastyǵy Atyǵaev A.A. Qostanaı oblysynyń polısııa departamenti bastyǵynyń orynbasary Yntyqbaev A.K. ishki ister organdarynan jumystan shyǵý týraly aryz jazǵan. Oblystyq polısııa departamentiniń Kadr saıasaty basqarmasynyń bastyǵy Dıýsebaev Q.A. qyzmetinen bosatý týraly hattama toltyrdy», dedi polısııa departamenti basshysynyń birinshi orynbasary Alekseı Mılıýk.
Basylymnyń málimetinshe, bul aımaqtaǵy polıseıler buǵan deıin de esirtki taratqan. 2014 jyly osyǵan uqsas jaǵdaıda forma kıgen 10 polısııa qyzmetkerleri ártúrli merzimge bas bostandyǵynan aıyrylǵan.
