Onlaın dıplom «CROCOS» aqparat júıesi arqyly jasalǵan. QR kodta bitirýshi túlektiń barlyq deregi jınaqtalady. Dılomnyń taǵy bir artyqshylyǵy – jumys berýshige onyń jalǵan nemese shyn ekenin jyldam tekserýge múmkindik beretininde. «CROCOS digital solutions» kompanııasy Qazaqstan ýnıversıtetteriniń qajettilikterin taldaı otyryp, dıplomdardyń túpnusqalyǵyn tekserý júıesin ázirlegen. Joǵary oqý oryndary túlekterge beriletin dıplomdardy QR-kodtyń kómegimen tańbalap, stýdent pen dıplom týraly barlyq aqparatty qorǵalǵan serverde saqtaı alady. Sondaı-aq QR-kodta qujatty jáne onyń nómirin tekserý úshin saıttyń betine silteme kodtalady. Smartfonnyń kómegimen qujattyń túpnusqalyǵyn ońaı ári tez tekserýge bolady.
– QR-kod dıplomnyń túpnusqalyǵyn tekserýge múmkindik beredi. Ol qujattyń ıesi týraly derekter, oqý orny týraly aqparat pen Ulttyq bilim berý derekter qorynan alynǵan qujat derektemeleri kórsetiletin memlekettik ınternet-resýrsqa silteme beredi. QR-kodta túlekti sáıkestendirýge múmkindik beretin málimetter: túlektiń aty-jóni, uıymnyń ataýy, túsken/bitirgen jyly, mamandyǵy men biliktiliginiń ataýy, oqytý nysany, dıplomnyń serııasy men nómiri beriledi, – dedi Oqý-aǵartý vıse-mınıstri Aıbat Ilııasov.
Onlaın dıplomnyń taǵy mynadaı artyqshylyqtary bar: bos laýazymdarǵa úmitkerlerdi tańdaý boıynsha jumys berýshilerdi tekserýdi jeńildetedi; joǵary oqý oryndary arasyndaǵy básekelestikti arttyrady; dıplomdy qoldan jasaýǵa múmkindik bermeıdi.
Sonymen qatar qujat sıfrlandyrylǵannan keıin memlekettik dıplom úlgileri alynyp tastaldy. Iаǵnı mınıstrlik tarapynan mór qoıylmaıtyndyqtan, joǵary oqý oryndary dıplomnyń dızaıny men formatyn ózgerte alady. О́zge de qujattar sekildi dıplomdy da eGov elektrondy úkimet portaly men eGov mobile qosymshasyndaǵy sıfrlyq qujattar servısi arqyly nemese ekinshi deńgeıdegi bankterdiń qosymshalary arqyly alýǵa bolady. Oqý-aǵartý mınıstrliginiń málimetinshe, bıyl kolledj bitirip jatqan 140 myńnan astam túlek QR-kody bar dıplom alady.
