«Qarasora – 2023» jedel-profılaktıkalyq is-sharasy aıasynda Túrkistan oblysy polısııa departamentiniń esirtki qylmysyna qarsy is-qımyl basqarmasynyń qyzmetkerleri esirtki ósirdi degen kúdikpen buryn sottalǵan eki aǵaıyndyny anyqtady.
Jedel-izdestirý sharalary barysynda polıseıler kúdiktilerdiń biriniń úıinen soraǵa uqsas quramynda esirtki zaty bar ósimdiktiń 1300 túbin anyqtap, tárkiledi.
Ári qaraı jedel ýákilder, onyń inisiniń úıin tintý kezinde esirtkige uqsas 59 túpti tárkiledi. Tártip saqshylary tárkilengen zattaı dáleldemelerdi saraptamaǵa jiberdi. Qorytyndyǵa sáıkes, aıǵaqty zattar jalpy salmaǵy 55 keliden astam sora bolyp shyqty.
Atalǵan faktiler QR QK-niń 300-baby 2-bóligi (Quramynda esirtki zattary bar ósirýge tyıym salynǵan ósimdikterdi zańsyz ósirý) boıynsha tirkeldi. Qazirgi ýaqytta eki aǵaıyndyǵa qatysty sotqa deıingi tergeý amaldary júrgizilip, oqıǵanyń tolyq mán-jaıy anyqtalyp jatyr.
