«Otandastar qory» etnolagerdi 2019 jyldan beri uıymdastyryp keledi. Bıyl da bul dástúr jalǵasyn tapty. Býrabaı tórindegi «Iqanat High School of Burabay» mektebinde ótken jazǵy lagerge álemniń 8 memleketinen (AQSh, Iran, Belarýs, Qytaı, Qyrǵyzstan, О́zbekstan, Mońǵolııa men Reseıden) 200-ge jýyq qazaq balalary keldi.
«Otandastar qory» KeAQ basshysy Abzal Saparbekuly elordada balalarmen kezdesip, olarǵa izgi tilegin bildirdi. Sondaı-aq lagerdiń ereksheligin atap ótti. «Bıylǵy jazǵy lager erekshe. Sebebi «Jas qazaq» dep at berip, «etno» degen sózdi qostyq. Iаǵnı elge kelgen barsha qandas balalar rýhanı qundylyqtardy boılaryna sińirip, ózderin erkin sezinip, jaqsy demalyp qaıtýǵa tıis. Bolashaqta bul joba dástúrge aınalyp, aýqymyn keńeıtedi dep oılaımyn», dedi ol. Taǵy bir erekshelik – lagerge talantty balalar tańdalyp alynǵan. 12-17 jas arasyndaǵy balalar joldamany túrli baıqaýǵa onlaın, oflaın formatta qatysyp, jeńip aldy. Mysaly, biri mánerlep óleń oqysa, endi biri dombyra tartyp júlde ıegeri atanǵan.
Shette ósken adam úshin atajurttyń taý-tasy, topyraǵy, bári ystyq. Ásirese alǵash ret kelgender úshin erekshe sezim. Balalar da shekaradan asyp, elge aıaq basqanda, qýanyshtyń kóz jasyna erik berdik deıdi. Olar birinshi kúnnen-aq jaýapkershilikti sezinip, ózderi konsert uıymdastyrǵan.
– О́nerli balalar júrgen jerin bı bılep dýmandatyp, ánmen árledi. Talapty da talantty balalardyń qalyptasqan daǵdylaryn ári qaraı shyńdaý maqsatynda arnaıy sabaq kestesi qurylyp, ár ýaqyty tıimdi ári júıeli ótý maqsatynda kúndelikti kún tártibi bekitildi. Tańerteń tańǵy jattyǵýdan bastap, túrli sabaqqa, úıirmege qatysty. Dálirek toqtalsaq, asyq oınaý, sadaq atý, dombyra shertý, altybaqan tebý, atpen serýen, kıiz úı tigý syndy ulttyq oıyndar men turmys salttarynan bólek, zamanaýı sala – mobılografııadan sabaq aldy. Neırondyq jeli, jasandy ıntellekt boıynsha tanym kókjıekterin damytty. Joǵary bilimdi mamandar dáris oqyp qana qoımaı, óz tájirıbesimen bólisti. Qazaqtyń tarıhyna saı ordalarǵa bóliný arqyly toptasyp, árqaısysy óz urandaryn shyǵardy. Orda bolyp jarysyp, túrli baıqaý uıymdastyryp,kóshbasshylyq qabiletterin shyńdady. «Hor baıqaýy» men «Dombyra party» áleýmettik jelide qyzý talqylanyp, kópshiliktiń júreginen oryn tapty, deıdi uıymdastyrýshylar.
Sonymen qatar «Otandastar qory» KeAQ uıymdastyrýymen bastaý alǵan «Jas qazaq» jazǵy etnolagerinde «Maqal-mátelder» baıqaýy ótti. Baıqaý talabyna saı balalarǵa arnaıy taqyryptar berildi, sol boıynsha bir-birlerimen maqal aıtyp jarysty. Balalar kelesi kúni Qazaqstan tarıhy boıynsha bilimderin tekserip, test tapsyrmalaryn oryndady. Nátıjesinde, júzden júırik atanǵandar arnaıy marapattaldy.
Lager eki aptaǵa sozyldy. Bıylǵy maýsymnyń jabylý saltanatynda «Otandastar qory» KeAQ prezıdenti
14 kún ishinde tanymdyq, shyǵarmashylyq, sporttyq jáne ulttyq sıpatta túrli is-shara ótkizilgen etnolagerdiń mańyzyna toqtalyp, lagerge qatysqan barlyq oqýshyǵa alǵysyn bildirdi.
– Búgin, mine, eki aptaǵa sozylǵan jazǵy etnolager óz máresine jetti. Tabıǵaty tańǵajaıyp Býrabaıda, Atajurt Qazaqstanda, týǵan Otan aıasynda ótkizgen osynaý demalys bárińe erekshe kóńil kúı men umytylmas mol áser syılady dep oılaımyn. Álemniń 8 memleketinen kelgen qazaqtar bir-birińmen tanysyp, bir úıdiń balasyndaı bolyp kettińder. Eń bastysy, álemniń qaı jerinde júrseńder de barlyq qazaqtyń uly Otany, arqa súıer atajurty – Qazaq eli bar ekenin sezindińder dep bilemin, dedi A.Saparbekuly.
Kelesi bolyp sóz alǵan lager dırektory Janııa Ismaǵambetova etnolagerdiń basymdyǵyna basa kóńil bólip, qandas oqýshylarǵa tıgizer paıdasyn atap ótti.
– Qurmetti balalar! Sizder bizdiń úkilep úmit artqan bolashaǵymyzsyzdar. Syrtqy ister mınıstrligine qarasty «Otandastar qorynyń» uıymdastyrýymen bastaý alǵan «Jas qazaq» jobasynyń mazmuny men taǵylymy óte tereńde jatyr. Qanshama balanyń basyn qosyp, Atamekenge ákelip, ulttyq qundylyqtardy dáriptep jatyr, dep qorytyndylady lager dırektory.
«Jas qazaq» jazǵy etnolageri dástúrden jańylmaı kelesi maýsymda da daryndy balalarǵa erekshe demalys syılaıtyn bolady.
