Kompanııa mamany aıyna nebári 1 myń teńgege páter jaldap, ony bolashaqta satyp alýǵa qarajat jınap, izinshe qolaıly sharttarmen zaem resimdep, sol baspananyń ıesi atana alady degenge sený qıyn shyǵar?! Alaıda «Eurasian Resources Group» kompanııasynyń qyzmetkerleri osyndaı múmkindikke ıe bolyp, Otbasy bankiniń «Korporatıvtik» baǵdarlamasynyń tıimdi sharttary negizinde óz úıine qol jetkizip jatyr.
Metallýrgter kúni qarsańynda ERG kompanııasynyń taǵy 60-qa jýyq qyzmetkeri páter ıeleri atandy. Olardyń qatarynda suranysqa ıe mamandyq ókilderi, jas mamandar men kóp balaly otbasylar bar.
Kompanııa basshylyǵy óz qyzmetkerleri úshin usynǵan páterler Pavlodar, Rýdnyı, Aqsý jáne Lısakovsk qalalarynyń damyǵan, qajetti ınfraqurylymmen qamtylǵan, qoǵamdyq kólik jaqsy qatynaıtyn aýdandarynda ornalasqan. Mektep, balabaqsha, emhana men saýda ortalyqtary da jaqyn. Qysqasy, munda jaıly ómir súrýge qolaıly jaǵdaı jasalǵan. Keıingi úsh jyl aralyǵynda Otbasy banki men ERG kompanııasynyń birlesken seriktestiginiń nátıjesinde 650-den asa qyzmetker baspanamen qamtyldy.
«Korporatıvtik» baǵdarlamasy aıasynda tabysty túrde iske asyp jatqan seriktestiktiń máni – kompanııa ózi salǵan úılerge qyzmetkerlerin qonystandyryp, aıyna bar-joǵy 1 myń teńge jaldaý aqysyn alyp otyrady. Osy aralyqta shyǵyndary aıtarlyqtaı únemdelgen Otbasy bankten depozıt ashyp, alǵashqy 3-8 jyl aralyǵynda sol páter qunynyń 50 paıyzyn jınaıdy. Atalǵan soma jınalǵan soń páter ıeleri qalǵan jartysyn Otbasy banki arqyly nesıemen óteıdi. Mundaı zaemnyń jyldyq paıyzdyq mólsherlemesi – 3,5-5 paıyz aralyǵynda (JTSM 3,6 paıyzdan bastalady). Bul – óte tıimdi shart», deıdi «Otbasy bank» AQ Basqarma tóraǵasynyń orynbasary Nurlan Aqshanov.
Búginde bank pen ERG birlesken korporatıvtik ónimi eń nátıjeli jobalardyń biri.
«Korporatıvtik ónim daıyndaý týraly oı osydan birneshe jyl buryn paıda boldy. О́z áriptesteriniń turǵyn úı máselesin retteýine kómek kórsetýge nıetti kásiporyndar men kompanııalar úshin jeke baǵyt qarastyrýdyń qajeti týyndady. Alǵashqylardyń biri bolyp osyndaı usynys ERG ókilderine aıtyldy. Nátıjesinde, eki tarap ortaq mámilege keldi. Elimizde qyzmetkerlerine zamanaýı turǵyn úıler salatyn biregeı kompanııaǵa jaldaý-jınaqtaý tetigin usyndyq. Iаǵnı qyzmetker páterdi birden satyp almaı, oǵan qajet qarajatty jınasa degen oı bildirdik. Mundaı sharttar báriniń kóńilinen shyqty. Bul kompanııanyń áleýmettik jobasy bolǵandyqtan, qyzmetkerlerge arnalǵan páterlerdiń baǵasy naryqtaǵy baǵadan anaǵurlym arzan», deıdi N.Aqshanov.
Qazirgi ýaqytta Otbasy banki «Korporatıvtik» jobasynyń aıasynda iri kompanııalarmen qatar otandyq shaǵyn kásiporyndarmen de birlese eńbek etip jatyr.
«Biz jeke kompanııalarmen, memlekettik jáne kvazımemlekettik mekemelermen áriptestik baılanys ornata bildik. Osy ýaqytqa deıin jalpy somasy 115 mlrd teńge bolatyn 40-tan asa kelisim jasadyq. Bul rette onyń 90 mlrd teńgeden astamy – áriptesterimizdiń qarajaty. Seriktestiktiń túrli joly bar. ERG sııaqty basqa da kompanııalar qyzmetkerleriniń eń tómengi bastapqy jarna, ıaǵnı páter baǵasynyń keminde 10 paıyzyn tólep úıli bolǵanyn qalasa, sol nesıelerdi qarjylandyra alady. Nesıeniń paıyzdyq mólsherlemesi 5-8 paıyz aralyǵynda bolady (JTSM – 5,2 paıyzdan bastalady). Osy jáne ózge de nusqanyń barlyǵy kompanııalar basshylyǵymen talqylanady. Ár mekemeniń suranysyna baılanysty jeke korporatıvtik ónim daıyndaımyz», dep atap ótti N.Aqshanov.
Qosymsha qarjylandyrýǵa toqtalar bolsaq, mundaı jaǵdaıda kompanııa Otbasy bankine nesıeleýge arnalǵan somany bóledi. О́z kezeginde bank ókilderi atalǵan kompanııa qyzmetkerlerine nesıe berý isin uıymdastyrady. Iаǵnı kompanııaǵa bul jumys úshin qosymsha adamdardy jumysqa alyp, esep júrgizip, basqa da qarjylyq qyzmetterdi atqarýdyń qajeti bolmaıdy. Kompanııa qoljetimdi ıpoteka berý arqyly áleýmettik qoldaý kórsetýdi qalaıtyn qyzmetkerler tizimin usynsa jetkilikti.
Korporatıvtik ónimde baspanaǵa qatysty eshqandaı shekteý joq. Qyzmetkerler alǵashqy jáne ekinshi naryqtaǵy páterlerdi tańdaı alady.
«Qyzmetkerdiń ózi tólem qabiletin rastaıdy. Biz zeınetaqy aýdarymdaryn únemi jasaıtyn iri jáne shaǵyn kompanııalarmen jumys isteıtindikten, tólem qabiletin rastaýda qıyndyqtar bolmaıdy. Dese de, qyzmetkerdiń tabysy jetkiliksiz bolsa, eki qosymsha nesıe alýshyny tarta alady. Týystardan bólek dostarynyń da kómek kórsetýge múmkindigi bar», dep túsindirdi Otbasy bankiniń ókili.
Sondaı-aq ol búginde kompanııalar áleýmettik jaýapkershilik degen bos sóz emes ekenin uǵa bastaǵanyn tilge tıek etti. Qyzmetkerlerdiń turaqty túrde eńbekaqy alýymen qatar qolaıly ortada ómir súrýi de mańyzdy.
«Bul máselege Memleket basshysy da birneshe márte toqtaldy. Sondyqtan óz qyzmetkerlerin baspanamen qamtýdy qalaıtyn kompanııalar qatary artyp keledi. Biz kez kelgen kásiporynmen birlese eńbek etýge ázirmiz. Ol mıllıardtaǵan salymy bar iri kompanııa da, tis emhanasy, dúken syndy shaǵyn bıznes te bolýy múmkin. Ol mańyzdy emes. Turǵyn úı máselesi bárin alańdatady. Máselen, otandyq dıalız ortalyqtarynyń biri dárigerleri úshin 60 mln teńge bóldi. Taǵy 40 mln teńgeni Otbasy banki qarastyrady. Sol arqyly atalǵan somaǵa qoljetimdi nesıe berip, ortalyqtyń bes qyzmetkeriniń baspana máselesin sheshýge jaǵdaı jasalady. Atap aıtqanda, «Korporatıvtik» jobasy arqyly 3-5 páterdi satyp alýǵa da qoldaý kórsete alamyz. Qazir kompanııalar jeke qarjysyn kóbirek salýǵa beıildi úrdis qalyptasyp keledi. Bul, árıne, qýantady. Qalaı bolǵanda da, biz barlyǵyna birdeı ashyqpyz», deıdi N.Aqshanov.
Qundyq QABYLDENOVA,
jýrnalıst
