Foto: Mádenıet jáne sport mınıstrligi
Mádenıet jáne sport mınıstrliginiń áleýmettik jelilerindegi tikeleı efırde sóz sóılegen Ulttyq mýzeı dırektory m.a. Aıbek Sydyqovtyń aıtýynsha, kelýshilerdiń ósý dınamıkasynyń sebebi bıylǵy sáýirde eki jańa zaldyń ashylýymen baılanysty.
Paleontologııa zaly men Qolónershiler ortalyǵy barlyq jastaǵy kelýshilerdiń qyzyǵýshylyǵyn týdyrǵan. Paleontologııa zalynda tıranozavr, gıpparıon jylqysy, úlken múıizdi buǵy, alyp ındrıkoterıı múıiztumsyǵy, mamont jáne basqa da bizdiń zamanǵa deıingi ejelgi dáýirdegi janýarlardyń qańqalary men qaldyqtary bar. Al Qolónershiler ortalyǵynda túrli kádesyılar men sheberlerdiń úzdik sándik-qoldanbaly usynylady.
Jyl basynan beri Ulttyq mýzeıde 22 iri kórme ótken, onyń ishinde halyqaralyq deńgeıdegi 4 joba bar. Sondaı-aq «Mýzeı túni» halyqaralyq aksııasy aıasynda Ulttyq mýzeıge bir túnde 47 myńnan astam adam kelip, rekord ornatqan edi.
Mýzeı qory birinshi jartyjyldyqta 4000-nan astam eksponatpen tolyqty.
«2014 jyldan beri Ulttyq mýzeı tarıhynda kelýshiler sany boıynsha eki iri kórsetkish tirkeldi. 2017 jyly, EKSPO halyqaralyq kórmesi aıasynda 280 myń adam kelse, byltyr bul kórsetkish 330 myń adamǵa jetti. Al bıylǵy jyldyń alǵashqy alty aıynda ǵana 310 myń kelýshi tirkelip otyr. Bul kórsetkish halqymyzdyń myńjyldyq mádenı murasy men tarıhyna qazaqstandyqtar men sheteldikterdiń qyzyǵýshylyqtary artqanyn bildiredi», dedi QR Ulttyq mýzeıi dırektory m.a. Aıbek Sydyqov.
