Vıse-premer memlekettik organdardyń Bala quqyqtary jónindegi ýákilmen birlesken jumysyn úılestirý men biryńǵaı tásildiń mańyzdylyǵyn atap ótti.
D. Zákıevanyń árbir usynysy boıynsha Premer-mınıstrdiń orynbasary memlekettik organdarǵa naqty tapsyrmalar berdi.
Otbasylardy jan-jaqty kómekpen qamtý jumystaryn úılestirý máselelerin jumyspen qamtý jáne áleýmettik baǵdarlamalar organdaryna bekitý tapsyryldy.
Ishki ister mınıstrligine memlekettik organdarmen jáne ákimdiktermen birlesip, qolaısyz jaǵdaıdaǵy otbasylardy erte anyqtaý boıynsha mobıldi toptardyń jumysyn zańnamalyq turǵydan bekitýdi pysyqtaý tapsyryldy.
Sıfrlyq damý, ınnovasııalar jáne aeroǵarysh ónerkásibi mınıstrligi otbasy, áıelder jáne balalar máseleleri boıynsha kómek kórsetý úshin Biryńǵaı memlekettik baılanys ortalyǵyn qurýmen aınalysatyn bolady.
Sondaı-aq vıse-premer Oqý-aǵartý, Eńbek jáne halyqty áleýmettik qorǵaý, Densaýlyq saqtaý, Mádenıet jáne sport mınıstrlikterine ákimdiktermen, Bala quqyqtaryn qorǵaý jónindegi ýákilmen birlesip, balalarǵa arnalǵan barlyq memlekettik uıymdardy (ońaltý ortalyqtary, ınternattar, balalar lagerleri jáne t. b.) kezeń-kezeńimen jóndeý, materıaldyq-tehnıkalyq bazasyn jańartý boıynsha tekserý júrgizýdi tapsyrdy.
T. Dúısenova Indýstrııa jáne ınfraqurylymdyq damý, Bilim mınıstrlikterine oblys ákimdikterimen birlese otyryp, jetim jáne ata-anasynyń qamqorlyǵynsyz qalǵan balalarǵa oblys ortalyqtarynan turǵyn úı berý máselelerin pysyqtaýdy tapsyrdy.
Tamara Dúısenova balalardyń qaýipsizdigin qamtamasyz etýge erekshe nazar aýdarýdy tapsyrdy. Túrkistan oblysyndaǵy sońǵy qaıǵyly oqıǵaǵa baılanysty ákimdikterge Ishki ister mınıstrligimen birlese otyryp, jazasyn ótep shyqqan azamattardy qaıta áleýmettendirý boıynsha derekter qoryn qurý tapsyryldy.
